Ս.թ. հոկտեմբերի 31-ին ԲՊՀ նիստերի փոքր դահլիճում կայացավ Հայագիտության ամբիոնի մեթոդական հերթական սեմինարը, որտեղ հանդես եկան դասախոսներ Արմինե Խերանյանը և Արմինե Կոստանդյանը։ Ա. Խերանյանը ներկայացրեց «Տեքստ: Տեքստի բաղադրիչները, կառուցման սկզբունքները, հաղորդման գործառույթի որոշ առանձնահատկություններ» թեման, իսկ Ա. Կոստանդյանը խոսեց «Ինքնուրույն աշխատանքի նմուշօրինակներ» թեմայով։

Սեմինարի ընթացքում տեղի ունեցավ ակտիվ քննարկում, որտեղ մասնակիցները տարբեր հարցեր ուղղեցին զեկուցողներին։ Զրույցը հանգեցրեց հետաքրքիր բանավեճերի՝ բացահայտելով թեմաների շուրջ առկա խնդիրները և առաջարկելով նոր մոտեցումներ։

Նման միջոցառումները կարևոր են մասնագիտական զարգացման համար և նպաստում են գիտական մտքերի փոխանակմանը: