Ս.թ. մայիսի 21-ին Անգլերենի ամբիոնը կազմակերպել էր ականավոր ցեղասպանագետ, հայագետ և գրականագետ ավստրալիահայ Արա Քեթիպեանի հանդիպումը Վ. Բրյուսովի անվան պետական համալսարանի պրոֆեսորադասախոսական կազմի և ուսանողների հետ:

Արա Քեթիպեանը ծնվել է Լիբանանի Տրիպոլի քաղաքում, բնակություն հաստատել Լիբանանի մի շարք քաղաքներում և Բեյրութում։ Նա ուսանել է Մխիթարյան վարժարանում, իսկ 11 տարեկանից կրթություն է ստացել Վենետիկի Սուրբ Ղազար կղզու Մխիթարյան միաբանությունում։ Վենետիկում կատարել է ուսումնասիրություններ, գրել թեզեր հայագիտական տարբեր ոլորտներից։ Ուսումնասիրել է դասական լեզուներ՝ հին հունարեն և լատիներեն, ունկնդրել է փիլիսոփայության դասընթացներ Հռոմի Գրիգորյան համալսարանում։