Եվրոպական քոլեջի ակադեմիական և կրթաթոշակային ծրագրերի ներկայացում ԵՊԼՀ-ում

Դեկտեմբերի 20-ին Եվրոպայի քոլեջի շրջանավարտների հայաստանյան ասոցիացիան Շրջանավարտների դեսպանության ծրագրի շրջանակում անցկացրեց Եվրոպական քոլեջի ակադեմիական և կրթաթոշակային ծրագրերի ներկայացում Երևանի Վ. Բրյուսովի անվան պետական լեզվահասարակագիտական համալսարանում: Միջոցառումը վարեց Եվրոպայի քոլեջի շրջանավարտների 2017 և 2018 թվականների հայաստանյան ներկայացուցիչ Տաթևիկ Ազիզյանը:

Հանդիպման հիմնական նպատակն էր բարձրացնել եվրոպական ուսումնասիրություններով և եվրոպական կառույցներում կարիերայի հնարավորություններով հետաքրքրված ուսանողների իրազեկվածության մակարդակը գործող կրթաթոշակային ծրագրի վերաբերյալ։

Հանդիպման ընթացքում Եվրոպայի քոլեջի շրջանավարտը ներկա ուսանողներին պատմեց սեփական փորձը՝ մանրամասն տեղեկատվություն տրամադրելով քոլեջի ակադեմիական և կրթաթոշակային ծրագրերի, ընդունելության կարգի և պահանջվող փաստաթղթերի, ամբողջական կրթաթոշակ ստանալու համար անհրաժեշտ պահանջների, քոլեջի ընձեռած ակադեմիական և կարիերայի հետագա աճի հնարավորությունների վերաբերյալ։

Հավելենք, որ Եվրոպայի քոլեջի երկու մասնաճյուղերը տեղակայված են Բելգիայում՝ Բրյուգեում, և Լեհաստանում՝ Նատոլինում (Վարշավա): Քոլեջը տրամադրում է հետբուհական կրթություն Եվրոպական ուսումնասիրությունների ոլորտում տարբեր մասնագիտացումներով: 2019-2020 ուսումնական տարվա համար դիմումները բաց են մինչև 2019 թվականի հունվարի 16-ը:

 

 

Եվրոպական քոլեջի ակադեմիական և կրթաթոշակային ծրագրերի ներկայացում ԵՊԼՀ-ում
  • Նորություններ
  • Բուհական
  • Համագործակցություն
  • Միջազգային
  • Մեր մասին
  • Բոլորը

Սաքսոնիա-Անհալթ երկրամասի պատվիրակության այցը ԵՊԼՀ

14.08.2019

Գերմանիայի Սաքսոնիա-Անհալթ երկրամասի լանդթագի Քրիստոնեադեմոկրատական միություն խմբակցության պատգամավորները այս օրերին գտնվում են Հայաստանում և մի շարք հանդիպումներ ունենում ՀՀ Կառավարության անդամենրի ...

ԵՊԼՀ-ն ընդգրկվել է Էրազմուս+-ի երկու միջազգային ծրագրերում

08.08.2019

Էրազմուս+ «Կարողությունների զարգացումը բարձրագույն կրթության ոլորտում» գործողության 2019թ-ի մրցույթի արդյունքնում Երևանի Վ. Բրյուսովի անվան պետական լեզվահասարակագիտական համալսարանը ընդգրկված է երկու ...

ԵՊԼՀ-ն Նորարարությունների մրցակցային հիմնադրամի ֆինանսավորմամբ ստեղծելու է ...

07.08.2019

Երևանի Վ. Բրյուսովի անվան պետական լեզվահասարակագիտական համալսարանը Նորարարությունների մրցակցային հիմնադրամի (ՆՄՀ) շրջանակներում սկսում է Լեզվական և կրթական տեխնոլոգիաների «ՀայԼինգվոՏեք» (HayLingvoTech) ...

ԵՊԼՀ ուսանողը մշակել է մարզերում թափոնների ճիշտ կառավարման նախագիծ

07.08.2019

Վահան Մարտիրոսյանը, ինքնուրույն ձեռնարկել և մշակել է մարզերում թափոնների ճիշտ կառավարման համար նախագիծ: