«Հայաստանի Հանրապետության Կառավարության և Բուլղարիայի Հանրապետության Կառավարության միջև կրթության և գիտության բնագավառներում 2018-2022թթ. համագործակցության մասին» ծրագրի շրջանակներում Երևանի Վ. Բրյուսովի անվան պետական լեզվահասարակագիտական համալսարանը հյուրընկալել է Բուլղարիայի Բլագոևգրադ քաղաքի «Նեոֆիտ Ռիլսկի» Հարավ-Արևմտյան համալսարանի պատմության ամբիոնի դոկտորանտ Դիանա Կարենի Պապոյանին եռամսյա մասնագիտացման կրթաթոշակային ծրագրին մասնակցելու համար: Դ. Պապոյանի հետազոտությունը առնչվում է հայկական հարցին ռուսական քաղաքականության համատեքստում: ԵՊԼՀ գրադարանի և «Բրյուսովյան գիտական կենտրոն»-ի ֆոնդերի նյութերը համալրեցին հետազոտողի գրականության ցանկը՝ մասնավորապես XX դարի սկզբում հրատարակված "Армянский вестник" ամսագրի հավաքածուն, որը համարվում է հազվադեպ հրատարակություն և հասանելի է սակավաթիվ գրադարաններում:

ԵՊԼՀ-ն հյուրընկալել է Բլագոևգրադի «Նեոֆիտ Ռիլսկի» Հարավ-Արևմտյան համալսարանի պատմության ամբիոնի դոկտորանտ Դիանա Պապոյանին