ԿՈՆՆԵԿՏ ծրագրի ներկայացուցիչները կատարեցին նաև մի քանի աշխատանքային-ճանաչողական այցեր`ուղղված համալսարան-տնտեսություն, կրթություն-ձեռնարկատիրություն կապի հաստատմանն ու համագործակցության շրջանակների ընդլայմանը, մասնավորապես՝ Տեղեկատվական և հաղորդակցության տեխնոլոգիաների գործատուների միություն, Digitain Հայաստան, Հայաստանի ազգային ագրարային համալսարանի ANAU AgTech ինկուբատոր, CaseKey բիզնես գաղափարների մրցույթ, Վանաձորի տեխնոլոգիական կենտրոն:
Երրորդ աշխատանքային օրը մասնակիցները աշխատանքային այց կատարեցին Վանաձորի Հովհ. Թումանյանի անվան պետական համալսարան, որի շրջանակներում հանդիպում ունեցան ՎՊՀ-ի ռեկտոր Ռուստամ Սահակյանի և պրոֆեսորադասախոսական անձնակազմի հետ:
Չորրորդ աշխատանքային օրը ԿՈՆՆԵԿՏ ծրագրի բոլոր գործընկերները ԲՊՀ-ում հանդիպում ունեցան Հայաստանում Էրազմուս+ ծրագրի ազգային գրասենյակի համակարգող Լանա Կառլովայի հետ, քննարկեցին ծրագրի ընթացքը, հետագա գործողությունները:
Կատարվեցին նաև աշխատանքների ամփոփում, հետագա քայլերի և գործողությունների ժամանակագրում, ընդհանուր քննարկում:
ԲՊՀ-ում ՍՄԱՐԹ ծրագիրը համակարգում են ԲՊՀ-ի Կարիերայի կենտրոնը և ԲՊՀ-ի ՍՄԱՐԹ ձեռներեցության կենտրոնը:
ԿՈՆՆԵԿՏ նախագիծը ֆինանսավորվում է Եվրոպական հանձնաժողովի կողմից (Կրթության, աուդիովիզուալ և մշակույթի գործադիր գործակալություն) Էրազմուս+ ծրագրի շրջանակներում։
Ծրագրի մանրամասները՝ http://connecterasmus.com/:
