ԲՊՀ արտաքին կապերի և միջազգային համագործակցության բաժնի պետ Կ. Պետրոսյանը պատրաստակամություն հայտնեց կյանքի կոչել բոլոր պայմանավորվածությունները՝ ընդգծելով, որ մեր բուհը պատրաստ է պահպանել եղած համագործակցային կապերը և ընդլայնել դրանք:
Իրանական կողմից առաջարկ եղավ հյուրընկալել ԲՊՀ դասախոսների խմբի՝ հետազոտական աշխատանքների և փորձի փոխանակման նպատակով: Քննարկվեցին նաև համատեղ հոդվածների տպագրության հեռանկարները:
Ուսանողների մասով իրանական կողմից առաջարկ եղավ ամառային, աշնանային 10-12-օրյա դպրոցներ կազմակերպել և հրավիրել հայ ուսանողների՝ զարգացնելու պարսկերենի իմացությունը: Ընդգծվեց, որ այդ դպրոցների անցկացման հիմնական լեզուն կլինի անգլերենը, սակայն պարսկերեն սովորող ուսանողները լրացուցիչ հնարավորություն կունենան կատարելագործելու գիտելիքները:
Կողմերը պատրաստակամություն հայտնեցին առաջիկայում ավելի ակտիվորեն քննարկել և առաջարկներ ներկայացնել ձեռքբերված պայմանավորվածությունների վերաբերյալ:
