Ս. թ. օգոստոսի 30-ին մեր համալսարանում հյուրընկալվեցին Պերուջայի համալսարանի (Իտալիա) ռեկտոր Վալերիո Դե Չեզարիոն, Իտալերենի գնահատման և հավաստագրման կենտրոնի ղեկավար Բ. Սամուն, Պերուջայի համալսարանի միջազգային բաժնի ղեկավար Վ. Սերին:
ԲՊՀ ռեկտոր Դ. Գյուրջինյանը ողջունեց հյուրերին՝ ներկայացնելով Վ. Բրյուսովի անվան պետական համալսարանը, վերջինիս պատմությունը, մասնագիտությունները և առանձնահատկությունները: Դ. Գյուրջինյանը ներկայացրեց, որ նախկինում իտալերենի նկատմամբ հետաքրքրությունն ավելի մեծ է եղել, քան այսօր: Ներկայացրեց բուհում իտալերեն ուսումնասիրողների քանակը (մոտ 200 ուսանող) և ընդգծեց, որ մեր բուհը պատրաստ է շարունակել համագործակցությունը Պերուջայի համալսարանի հետ՝ թարմացնելով համագործակցությունը:
Ողջունելով հյուրերին և խոսելով իտալերենի նկատմամբ հետաքրքրության նվազման մասին՝ Ուսումնագիտական աշխատանքների հարցերով պրոռեկտոր Դ. Ղազարյանն առաջարկեց նոր կրթական ծրագրեր մշակել, որոնք կլինեն երկլեզու՝ իտալերենին զուգահեռ ընդգրկելով այլ օտար լեզու: Նա ընդգծեց, որ բուհը դրա հաջողված փորձն ունի. վերջին տարիներին բուհը երկլեզու մանկավարժներ է պատրաստում:
Պերուջայի համալսարանի ռեկտոր Վալերիո Դե Չեզարիոն իր հերթին շնորհակալություն հայտնեց ջերմ ընդունելության համար՝ ընդգծելով, որ Հայաստան այցելելու իրենց պլաններում ԲՊՀ այցելելն ամենակարևոր առաջնահերթություններից է եղել: Նա համաձայնեց իտալերենի նկատմամբ հետաքրքրության փոքր-ինչ նվազման փաստի հետ՝ ընդգծելով, որ դա նկատելի է նաև մյուս բուհերում: Նա հատուկ շեշտեց, որ ուսանողները լեզու ընտրելիս հետագայում լավ աշխատանք գտնելն են կարևորում ու, այս իմաստով, Իտալիան թվում է անհասանելի, բայց դա ճիշտ չէ, քանի որ իտալերենը իրականում կարող է շատ դռներ բացել ուսանողների առջև աշխատանքի առումով.
