Վ․ Բրյուսովի պետական համալսարանը ս․թ․ մարտի 2-3 մասնակցեց «Տաղանդների միավորում» կարիերայի տոնավաճառին, որը տեղի ունեցավ Մարիոթ հյուրանոցում։ Այս անգամ աշակերտների և ուսանողների համար կազմակերպված էին տարբեր ոլորտների մասնագետների կողմից իրականցվող աշխատարաններ, որոնցից էին՝ կառավարում, մարդկային ռեսուրսներ, միջոցառումների կազմակերպում, ֆոտո լրագրություն և այլն։
Մասնակիցները մեծ ոգևորությամբ էին մոտենում ԲՊՀ տաղավարին, ծանոթանում մասնագիտություններին և դասավանդվող լեզուներին։ Մեծ էր նաև հետաքրքրությունը ընդունելության կարգի, վարձավճարների, առկա և հեռակա ուսուցման առանձնահատկությունների հանդեպ։ Մարզերի որոշ դպրոցների ներկայացուցիչներ ցանկություն հայտնեցին հյուրընկալել ԲՊՀ աշխատանքային խմբին՝ աշակերտների ավելի լայն զանգված ուղղորդելու համար:
