Բոլոնիայի գործընթացի մեկնարկից 20 տարի անց

Այս տարի լրանում է Բոլոնիայի գործընթացի 20 տարին, որի տոնակատարություններին ս.թ. հունիսի 24-ից 25-ը Բոլոնիայի համալսարան էին հրավիրվել աշխարհի տարբեր երկրների համալսարանների շուրջ 200 ռեկտորներ, հազարից ավել բարձրագույն կրթության փորձագետներ, ակադեմիական հանրույթի ներկայացուցիչներ, որոնք իրենց ներդրումն են ունեցել իրենց երկրներում Բոլոնիայի գործընթացի կայացմանը:

Երևանի Վ. Բրյուսովի անվան լեզվահասարակագիտական համալարսանից «Բոլոնիան 2020-ից հետո. ԵԲԿՏ-ի հիմնարար արժեքները» խորագիրը կրող ֆորումին մասնակցեցին ռեկտոր Կարինե Հարությունյանը և Արտաքին կապերի և միջազգային համագործակցության վարչության ղեկավար Քրիստինա Ծատուրյանը:

Հունիսի 24-ին տեղի ունեցավ ռեկտորների քայլերթը, որին մասնակցեցին շուրջ 200 ռեկտոր: Այնուհետև, բացման խոսքով հանդես եկան Բոլոնիայի համալսարանի ռեկտորը, Իտալիայի կրթության, համալսարանների և հետազոտության նախարարը, ՅՈՒՆԵՍԿՕ-ի կրթության գլխավոր տնօրենի տեղակալը, Եվրահանձնաժողովի երիտասարդության, կրթության և Էրազմուս+ ծրագրերի տնօրենը, Եվրոպական համալսարանների ասոցիացիայի նախագահը և այլոք:

Հաջորդ օրը, տեղի ունեցան աշխատանքային հանդիպումներ զուգահեռ խմբերում, որոնք էին.

  • Ակադեմիական և քաղաքացիական արժեքները հարափոփող հասարակություններում
  • Ուսանողակենտրոն ուսուցում
  • Առաջնորդություն կայուն զարգացման համար, բարձրագույն կրթության դերը
  • Բարձրագույն կրթության սոցիալական չափայնությունը
  • Ապագայի աշխատաշուկայի զբաղվածությունը և հմտությունները:

 

 

 

ԵՊԼՀ ռեկտոր Կարինե Հարությունյանն ընդգրկված էր Բարձրագույն կրթության սոցիալական չափայնություն ԱԽ-ում, իսկ Քրիստինա Ծատուրյանը՝ ուսանողակենտրոն ուսուցում խմբում: Հաշվի առնելով թեմաների հետաքրքրությունը, Կ. Հարությունյանը և Ք. Ծատուրյանը մասնակցեցին նաև այլ խմբերի աշխատանքներին՝ վերջին զարգացումներին ծանոթանալու նպատակով:

Ֆորումը թույլ տվեց հասկանալ բուհական համակարգում հետագա զարգացման միտումները, քննարկել դրանց հետ կապված հիմնախնդիրները եվրոպացի գործընկերների հետ:

Հիշեցնենք, որ Բոլոնիայի հռչակագիրը ստորագրվել է 1999 թ. հունիսի 19-ին 29 եվրոպական երկրների կրթության համար պատասխանատու նախարարների կողմից: Հայաստանը 2005թ.-ից հանդիսանում է այդ գործընթացի և Եվրոպական բարձրագույն կրթական տարածքի անդամ պետություն: Այս գործընթացը կարևոր փուլ է նախանշել ՀՀ բարձրագույն կրթության զարգացման և համակարգի վերափոխման համար: Այսօր, ԵԲԿՏ-ի կայացման և բարձրագույն կրթական համակարգերի ներդաշնակեցման շնորհիվ մեր ուսանողները կարողանում են կրթության ստանալ օտարերկրյա բուհերում՝ ունենալով իրենց՝ Հայաստանում ձեռքբերած, կրթության և որակավորման ճանաչում: ԵՊԼՀ-ն ևս, իր բարեփոխումներում, առաջնորդվում է այն հիմնարար արժեքներով, որոնք անհրաժեշտ են բուհի զարգացման, որակյալ կրթության ապահովման և մարդակենտրոն ուսումնական գործընթացներ իրագործելու համար:

Բոլոնիայի գործընթացի մեկնարկից 20 տարի անց
  • Նորություններ
  • Բուհական
  • Համագործակցություն
  • Միջազգային
  • Մեր մասին
  • Բոլորը

Չարենցի բանաստեղծությունները տարբեր լեզուներով

14.10.2019

Եղիշե Չարենցի անվան տուն-թանգարանը Թարգմանչաց տոնին հյուրընկալել էր Երևանի Վալերի Բրյուսովի անվան պետական լեզվահասարակագիտական համալսարանի ուսանողներին, որոնք միջոցառում էին կազմակերպել` թարգմանելով Չարենցի ...

Հեկտոր Բեռլիոզի փառահեղ կյանքը և նրա «Ֆանտաստիկ սիմֆոնիան»

10.10.2019

Վ. Բրյուսովի անվան պետական լեզվահասարակագիտական համալսարանի Ֆրանկոֆոն հետազոտությունների միջհամալսարանական ակադեմիական նվաճումների կենտրոնում տեղի ունեցավ բանասիրական գիտությունների դոկտոր, պրոֆեսոր Արամ ...

Կայացավ «Գերմաներենի տանիքի տակ» խորագրով գերմաներենի ուսուցիչների 4-րդ ...

01.10.2019

Սեպտեմբերի 28-ին և 29-ին տեղի ունեցավ Գերմաներենի տանիքի տակ խորագրով ՀՀ-ում գերմաներենի ուսուցիչների 4-րդ համաժողովը:

Տեղի ունեցավ «Քերականության դասավանդման նորագույն մեթոդները և մետալեզվական ...

27.09.2019

Այս միջազգային գիտաժողովը վեցերորդ գիտաժողովն էր, որ կազմակերպել էր քերականության դասավանդման նոր մեթոդների ուսումնասիրությամբ զբաղվող GReC (Réseau Grammaires et Contextualisation) խումբը, որտեղ ընգրկված են աշխարհի ավելի ...