Ս.թ. մայիսի 23-ին Կառավարման ամբիոնը բաց դասախոսություն էր կազմակերպել մագիստրատուրա 1-ին կուրսի առկա և 2-րդ կուրսի հեռակա ուսուցման համակարգում սովորող ուսանողների համար, որը վարում էր ՀՀ ՊԵԿ մեթոդաբանության վարչության հարկային գլխավոր տեսուչ Գոհար Միքաելյանը։ Դասախոսությունն ուղղված էր ՀՀ պետական կառավարման համակարգին և ՊԵԿ գործունեությանը: Ներկայացվեց ՀՀ պետական համակարգը, կառուցվածքը, այդ թվում՝ գործադիր, օրենսդիր և դատական մարմինները, յուրաքանչյուր մարմնի գործունեությունը: Ուսանողները ծանոթացան ՀՀ նախարարությունների տեսակներին, վերջիններիս հիմնական գործառույթներին:
Հանդիպումը ինտերակտիվ էր, հագեցած հարց ու պատասխանով, ուսանողները տալիս էին իրենց հուզող տարատեսակ հարցեր և ստանում համապատասխան պատասխաններ։ Պետական համակարգից անցում կատարելով հարկային համակարգին՝ տիկին Միքաելյանը խոսեց ՀՀ հարկային համակարգից, մասնավորապես՝ ՀՀ հարկային օրենսգրքից, հարկերի տեսակներից, հարկերի գանձման գործընթացից: Բանախոսը ներկայացրեց մի քանի կրթական ծրագրեր, բնակարանաշինության ծրագրեր և վերջիններիս կարևորությունը ժողովրդագրության համատեքստում:
