Նոյեմբերի 21-ին Երևանի Վ.Բրյուսովի անվան պետական լեզվահասարակագիտական համալսարանում տեղի ունեցավ Education USA հայաստանյան գրասենյակի կողմից կազմակերպված թեմատիկ քննարկում «Բարձրագույն կրթությունը ԱՄՆ-ում՝ երազանքից մինչև իրականություն» թեմայով: Քննարկումը իրականացվում է ԱՄՆ Պետքարտուղարության և ԱՄՆ պետքարտուղարության կրթության բաժնի համատեղ «Միջազգային կրթության շաբաթ» (International Education Week) նախաձեռնության շրջանակներում, որը նշվում է աշխարհի ավելի քան 100 երկրներում և այս տարի անցկացվում է նոյեմբերի 18-ից մինչև 22-ը:

Մոտ մեկ ժամ տևած թեմատիկ քննարկման ընթացքում EducationUSA հայաստանյան գրասենյակի կրթական խորհրդատու Իննա Ղաբուլյանը ուսանողներին ներկայացրեց ընդհանուր տեղեկատվություն ամերիկյան կրթական համակարգի, ԱՄՆ-ում ուսումը շարունակելու հնարավորությունների և ֆինանսավորման աղբյուրներ գտնելու վերաբերյալ: Խորհուրդներ հնչեցին դիմելու ընթացակարգերի, հնարավոր դժվարություններից խուսափելու մասին, պատասխաններ տրվեց ուսանողներին հուզող հարցերին:

«Բարձրագույն կրթությունը ԱՄՆ-ում՝ երազանքից մինչև իրականություն» թեմատիկ քննարկում