Նպատակը
Ապահովել համակողմանի բարձրորակ մասնագիտական կրթություն բակալավրիատում և մագիստրատուրայում: Ժամանակակից ուսուցման մեթոդների և տեղեկատվական տեխնոլոգիաների կիրառմամբ հանրապետության աշխատաշուկայի պահանջներին համապատասխան մրցունակ և բարձրակարգ մասնագետների (լեզվաբաններ, թարգմանիչներ) կոմպետենցիաների ձևավորում ֆրանսերենի և, առհասարակ, ռոմանական լեզվաբանության և բանասիրության ոլորտում:
Գործառույթները
Ֆրանսերենի և ռոմանական բանասիրության ամբիոնը իրականացնում է բազմաբնույթ ուսումնամեթոդական և գիտական գործունեություն, ապահովում՝ գործնական ֆրանսերենի, իտալերենի, իսպաներենի և ռումիներենի ուսուցում որպես հիմնական, երկրորդ մասնագիտական և երրորդ լեզու: Այսօր ամբիոնում աշխատում են մոտ 50 բարձրակարգ մասնագետ: Հանդիսանալով հանրապետության առաջատար մասնագիտական ամբիոններից մեկը՝ Ֆրանսերենի և ռոմանական բանասիրության ամբիոնն այսօր պատրաստում է բարձրորակ մասնագետներ` ամբիոնի գիտական աշխատանքը զարգացնելով ռոմանական լեզվաբանությանը և բանասիրությանը հարող տարբեր ուղղություններով:
Գիտական և ուսումնամեթոդական աշխատանքների ոլորտում նշենք այն փաստը, որ ամբիոնում մշտապես լույս են տեսնում մենագրություններ, բուհական դասագրքեր, ուսումնա-մեթոդական ձեռնարկներ և բառարաններ, գիտական հոդվածներ, որոնք նվիրված են ժամանակակից ռոմանական լեզվաբանության և բանասիրության տարաբնույթ արդի խնդիրների քննությանն ու լուսաբանմանը: Ամբիոնում իրականացվում են նաև թարգմանական, խմբագրական և գրախոսական աշխատանքներ: Ամբիոնի անդամները պարբերաբար իրենց մասնակցությունն են ունենում ինչպես հանրապետական, այնպես էլ միջազգային գիտաժողովներին, հանդես են գալիս զեկուցումներով:
Ամբիոնն իրականացնում է ուսումնական գործընթաց ըստ մասնագիտական կրթական ծրագրերի, մշակում իր գծով իրականացվող մասնագիտացումների մասնագիտական կրթական ծրագրերը և դրանցով նախատեսվող դասընթացների առարկայական նկարագրերը՝ ապահովելով համակողմանի մասնագիտական կրթություն բակալավրիատում և մագիստրատուրայում: Ամբիոնի կողմից իրականացվում է ուսանողական համակազմի արտադրական պրակտիկաների անմիջական կազմակերպումը:
Կառուցվածքային միավորները
➢ Ֆրանկոֆոն հետազոտությունների միջհամալսարանական ակադեմիական նվաճումների կենտրոն - ղեկ.՝ Ա.Ջանիկյան
➢ Հունարենի և հունական մշակույթի կենտրոն
➢ Արգենտինական մշակույթի կենտրոն
➢ Ռումիներենի լսարան
