Ամբիոնը ձևավորվել է 1967 թվականին որպես հայոց լեզվի և գրականության ամբիոն: Հետագայում ընդլայնվել է և վերանվանվել հայագիտության ամբիոն: Տարբեր տարիներին այն ղեկավարել են պրոֆեսորներ Է. Խոնդկարյանը, Ֆ. Խլղաթյանը Գ. Գևորգյանը: 2023 թվականից ամբիոնի վարիչի պարտականություններն է կատարում բանասիրական գիտությունների թեկնածու, դոցենտ Դ. Գյուրջինյանը:
Ամբիոնը գործում է համալսարանի թարգմանության ֆակուլտետի կազմում և պարտադիր ու կամընտրական տարբեր դասընթացներ է իրականացնում համալսարանի բոլոր ֆակուլտետներում:
Կարևորելով հայագիտական առարկաների դերը ազգային ինքնության և արժեքների արմատավորման, միջմշակութային և մասնագիտական հաղորդակցման հմտությունների ձևավորման մեջ՝ ամբիոնն առաջարկում է հայագիտական մի շարք դասընթացներ հայոց լեզվից, հայ գրականությունից, հայոց պատմությունից և ազգային մշակույթից, ինչպես նաև ուսուցիչների վերապատրաստման դասընթացներ:
Ամբիոնի առաքելությունը
Հայագիտական առարկաների ուսուցմամբ նպաստել աշխատաշուկայում մրցունակ, մասնագիտական հաղորդակցման անհրաժեշտ հմտություններ, տարբեր իրադրություններում խոսքային համապատասխան վարքագիծ դրսևորելու կարողություն ունեցող մասնագետների պատրաստմանը:
Ամբիոնի նպատակը
Լեզվական արդյունավետ հաղորդակցման կարողությունների մշակման, պատմական մտածողության ձևավորման, ազգային մշակույթի իմացության միջոցով նպաստել հանրամշակութային կոմպետենցիաների զարգացմանը:
Ամբիոնի գործառույթները
- Իրականացնել ուսումնամեթոդական, ուսումնագիտական և գիտահետազոտական գործունեություն
- Մասնակցել մասնագիտության կրթական ծրագրերի (ՄԿԾ), չափորոշիչների, ուսումնական պլանների մշակման գործընթացին
- Տրամադրել մասնագիտական եզրակացություններ, խորհրդատվություններ, կարծիքներ ատենախոսությունների, ուսումնամեթոդական ձեռնարկների, մենագրությունների, հոդվածների և գիտամեթոդական այլ աշխատանքների վերաբերյալ
- Ապահովել ամբիոնի պրոֆեսորադասախոսական կազմի մասնագիտական շարունակական զարգացման և վերապատրաստման գործընթացները
- Ստեղծել ուսումնական և ուսումնամեթոդական գրականություն, հրատարակության պատրաստել ժողովածուներ, մենագրություններ, ուսումնամեթոդական ձեռնարկներ և դասագրքեր
