Անգլերենի հաղորդակցման և թարգմանության ամբիոնի առաքելությունն է կրթական ծրագրեր և գիտահետազոտական նախագծեր իրականացնել անգլերենի հաղորդակցման, թարգմանության և թարգմանաբանության բնագավառներում:
Ամբիոնն իրականացնում է «Թարգմանչական գործ» մասնագիտությամբ բակալավրական և մագիստրոսական ծրագրերը, կազմակերպում է երիտասարդ հետազոտողների խորհրդատվություն, համագործակցում է համալսարանի այլ կրթական ծրագրեր իրականացնող ամբիոնների և գիտաուսումնական կենտրոնների հետ՝ անգլերեն հաղորդակցման առարկաների դասավանդման հարցերում:
Անգլերենի հաղորդակցման և թարգմանության ամբիոնի առաքելությունն է կրթական ծրագրեր և գիտահետազոտական նախագծեր իրականացնել անգլերենի հաղորդակցման, թարգմանության և թարգմանաբանության բնագավառներում:
Ամբիոնն իրականացնում է «Թարգմանչական գործ» մասնագիտությամբ բակալավրական և մագիստրոսական ծրագրերը, կազմակերպում է երիտասարդ հետազոտողների խորհրդատվություն, համագործակցում է համալսարանի այլ կրթական ծրագրեր իրականացնող ամբիոնների և գիտա-ուսումնական կենտրոնների հետ՝ անգլերեն հաղորդակցմանառարկաների դասավանդման հարցերում:
Ժառանգելով անգլերենի տեսական և գործնական ուսուցման բրյուսովյան տասնամյակների փորձը` ամբիոնի դասախոսական կազմն ակտիվորեն է արձագանքում ժամանակի պահանջներին. ստեղծվում են նոր՝ պահանջարկ վայելող կրթական ծրագրեր, արդի մեդիա տեխնոլոգիաների մասին դասընթացներ:
Մեր դասախոսները զբաղվում են ակտիվ թարգմանչական պրակտիկայով, մասնակցում են միջազգային փոխանակման ծրագրերի:
Մեր ուսանողներն արտադրական պրակտիկա են անցնում բուհի գործընկեր պետական և մասնավոր հաստատություններում, որոնք հետագայում դառնում են նրանցից շատերի գործատուները:
2022 թվականի սեպտեմբերից ներբուհական դրամաշնորհային ծրագրով ամբիոնն իրականացնում է հայերեն-անգլերեն զուգահեռ լեզվական կորպուսների ստեղծմանն ուղղված հետազոտական ծրագիր: Ծրագրի նպատակն է ստեղծել անգլերենի և հայերենի զուգահեռ կորպուսներ՝ ապահովելու թարգմանության, լեզվի ուսուցման և լայն լեզվաբանական հետազոտությունների համար բնական լեզվի մշակման թվային տվյալների բազա և միջավայր, որը կոչված է կրթել բնական լեզվի մշակումով զբաղվող գիտնականների և թարգմանչական արդի տեխնոլոգիաներին տիրապետող թարգմանիչների նոր սերունդ: Հետազոտական խմբի ղեկավարն է բանասիրության դոկտոր, պրոֆեսոր Գայանե Ռազմիկի Հովհաննիսյանը:
Անգլերենի հաղորդակցման և թարգմանության ամբիոնի գործառույթներն են.
- մշակել արդիական և շուկայի պահանջներին համապատասխան մասնագիտական կրթական ծրագրեր և դասընթացներ.
- թողարկել բակալավրի և մագիստրոսի աստիճանով անգլերենի հաղորդակցման մասնագետներ, այդ թվում՝ թարգմանիչներ.
- հետազոտել և հրատարակել անգլերենի հաղորդակցման և թարգմանության ոլորտի խնդիրներ քննող գիտական աշխատություններ.
- ներքին և արտաքին գործընկեր կազմակերպությունների հետ համատեղ իրականացնել ոսումնագիտական համագործակցության ծրագրեր,
- ներդնել գիտական հետազոտությունների արդյունքները կրթական ծրագրերում:
