Եռօրյա մասնագիտական վերապատրաստման դասընթացներ գրադարանավարների համար
15.01.2021
+374 60 830 121
grasenyak@brusov.am, grasenyak1@brusov.am

Վ. Բրյուսովի պետական համալսարանի /ԲՊՀ/ Շարունակական կրթության բաժինը և ԲՊՀ գիտական գրադարանը հայտարարում են եռօրյա մասնագիտական վերապատրաստման դասընթացներ գրադարանավարների համար: Դասընթացների նպատակն է ծանոթացնել գրադարանավարներին ժամանակակից գրադարանային միտումներին և մարտահրավերներին, ինչպես նաև ձեռք բերել մասնագիտական գիտելիքներ և գործնական հմտություններ հետևյալ ուղղություններով՝

➢ Տվյալների բազայի ստեղծում,

➢ Գրականության էլեկտրոնային հաշվառում և հաշվետվությունների կազմում,

➢ Էլեկտրոնային հարթակների կիրառումը գրադարաններում,

➢ Թվային գրադարաններ,

➢ Ժամանակակից էլեկտրոնային ռեսուրսներ և մեդիագրագիտություն:

Դասընթացների ընթացքում գործնական աշխատանքները իրականացվելու են հատուկ ձևաչափով մշակված էլեկտրոնային հարթակում, որը հետագայում հնարավոր կլինի կիրառել տվյալ հաստատության գրադարանում: Յուրաքանչյուր մասնակցին կտրամադրվի անհատական համակարգիչ գործնական աշխատանքների համար: Դասընթացները վարելու են ԲՊՀ գիտական գրադարանի մասնագետները:

Դասընթացները կիրականացվեն փետրվար-մարտ ամիսների ընթացքում, խմբերով՝ (յուրաքանչյուր խմբում 10 անձ) հետևյալ ժամանակացույցով.

առաջին խումբ՝ փետրվար 22-ից 24-ը,

երկրորդ խումբ՝ մարտի 3-ից 5-ը,

երրորդ խումբ՝ մարտի 10-ից 12-ը:

➢ Դասընթացների տևողությունը օրական հինգ ժամ է ՝ ներառյալ երկու ընդմիջում:

➢ Եռօրյա դասընթացի արժեքն է 23000 դրամ: Տեղերը սահմանափակ են:

➢ Գրանցվելու համար անհրաժեշտ է լրացնել հետևյալ հայտը՝ https://forms.gle/eSQTwQURv3UmEkrZ8։ Հայտերն ընդունվում են մինչև փետրվարի 15-ը:

➢ Հարցերի դեպքում զանգահարեք +374 11300111 /ներք.2-69/ հեռախոսահամարով, աշխատանքային օրերին՝ ժամը 9:00-18:00: