Էրազմուս + Միջազգային կրեդիտային շարժունության գործողության շրջանակներում Երևանի Վ. Բրյուսովի անվան պետական լեզվահասարակագիտական համալսարանի և Գերմանիայի Դյուսելդորֆի Հայնրիխ Հայնեի համալսարանի գերմանագիտության ինստիտուտի միջև կնքված պայմանագրով նախատեսվում է շարժունություն և ուսումնառության հնարավորություն ԵՊԼՀ-ի բակալավրիատի 2-րդ և 3-րդ կուրսերի և մագիստրատուրայի 1-ին կուրսի գերմաներեն ուսումնասիրող ուսանողների համար՝ 2019-2020 ուս. տարվա երկրորդ կիսամյակի ընթացքում:
Դյուսելդորֆի համալսարանը առաջարկում է հետևյալ կրթական ծրագիրը՝
- Գերմաներեն լեզվաբանություն/բանասիրություն
Ծրագրին դիմել ցանկացող ուսանողը պետք է ունենա առնվազն B1+ մակարդակի գերմաներենի իմացություն, ինքնուրույն որոշումներ կայացնելու և դրանց համար պատասխանատվություն կրելու գիտակցություն: Դիմորդը պետք է կարողանա Դյուսելդորֆի համալսարանի կայքից ինքնուրույն գտնել իրեն անհրաժեշտ դասընթացները՝ հաշվի առնելով այդ առարկաների կրեդիտների մեր համալսարան փոխադրելիության հանգամանքը, ինքնուրույն առցանց դիմել՝ համալսարան ընդունվելու համար:
Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը: Ավելի մանրամասն տեղեկատվություն ֆինանսավորման և Էրազմուս + միջազգային կրեդիտային շարժունություն ծրագրի մասին կարող եք գտնել ԵՊԼՀ-ի Արտաքին կապերի և միջազգային համագործակցության կայքէջում:
Ծրագրի դիմումները ընդունվում են ԵՊԼՀ Արտաքին կապերի և միջազգային համագործակցության վարչությունում՝ թղթային և էլեկտրոնային տարբերակով (I մասնաշենք, 405, 410 սենյակներ): Դիմումների ընդունման վերջնաժամկետն է՝ 2019թ. նոյեմբերի 5-ը:
Ստորև ներկայացվում է անհրաժեշտ փաստաթղթերի ցանկը:
Փաստաթղթերը ընդունվում են անգլերեն և հայերեն տարբերակով:
- Անձնագրի պատճեն,
- Ինքնակենսագրական (CV) Europass ձևաչափով (https://europass.cedefop.europa.eu/),
- Մոտիվացիոն նամակ,
- Երաշխավորագիր դասախոսի կողմից,
- Տեղեկանք բուհում ուսանելու մասին (հայերեն)
- Գնահատականները/ՄՈԳ:
Հավելյալ տեղեկատվություններ ստանալու համար կարող եք դիմել ԵՊԼՀ Արտաքին կապերի և միջազգային համագործակցության վարչություն ՝ I մասնաշենք, 405 սենյակ կամ 410 սենյակներ,
Հեռախոս՝ +374 11 300111 (ներքին 220, 219), էլ. հասցե՝ intrel@brusov.am