Էրազմուս + Միջազգային կրեդիտային շարժունության հնարավորություն՝ Զալցբուրգի համալսարանում
Սիրով տեղեկացնում ենք, որ Էրազմուս+ միջազգային կրեդիտային շարժունության ծրագրի շրջանակներում Վ. Բրյուսովի անվան պետական համալսարանի (ԲՊՀ) և Ավստրիայի Զալցբուրգի Պարիս-Լոդրոն համալսարանի միջև կնքված պայմանագրով նախատեսվում է մասնագիտական երկամսյա պրակտիկայի հնարավորություն Զալցբուրգի համալսարանի Գերմաներեն լեզվի և գրականության բաժնում 2023-2024 ուս. տարվա երկրորդ կիսամյակի ընթացքում ԲՊՀ բակալավրիատի 3-րդ և մագիստրատուրայի 1-ին կուրսերի հետևյալ ֆակուլտետների՝ գերմաներենը որպես մասնագիտություն սովորող 2 ուսանողի համար.
- Թարգմանության ֆակուլտետ
- Լեզվաբանության և մանկավարժության ֆակուլտետ
- Միջմշակութային հաղորդակցության և քաղաքագիտության ֆակուլտետ
Ծրագիրը հոգում է ճանապարհածախսը և կեցության ծախսերը:
Զալցբուրգի համալսարանը առաջարկում է հետևյալ կրթական ծրագիրը՝
- Գերմաներեն լեզվաբանություն/բանասիրություն
Ծրագրին դիմել ցանկացող ուսանողը պետք է ունենա B2 մակարդակի գերմաներենի իմացություն:
Շարժունության ծրագրի վերաբերյալ ավելի մանրամասն տեղեկատվություն կարող եք գտնել այս հղմամբ. https://erasmusplus.am/credit-mobility/#STUDENTS-Studying-abroad
Շարժունության ներքին ընթացակարգին ծանոթանալու համար կարող եք այցելել հետեւյալ հղմամբ՝ https://brusov.am/website/documentation/files/5edfdc9e.pdf
Ծրագրի դիմումներն ընդունվում են ԲՊՀ Արտաքին կապերի և միջազգային համագործակցության բաժին թղթային և էլեկտրոնային տարբերակով (I մասնաշենք, 302ա սենյակ, հեռախոս՝ +374 60 830111 (ներքին 220, 207), էլ. հասցե՝ intrelbrusov@gmail.com):
Դիմումների ընդունման վերջնաժամկետն է 2023 թ.նոյեմբերի 27-ը ներառյալ:
Ստորև ներկայացվում է անհրաժեշտ փաստաթղթերի ցանկը.
- Անձնագրի/ID պատճեն
- Ինքնակենսագրություն (CV) Europass ձևաչափով (https://europass.cedefop.europa.eu/),(հայերեն և գերմաներեն)
- Մոտիվացիոն նամակ (հայերեն և գերմաներեն)
- Առաջադիմության թերթիկ (ՄՈԳ)՝ բոլոր կիսամյակների (հայերեն)
- Գերմաներենի իմացությունը հաստատող B2 մակարդակի վկայական. դրա բացակայության դեպքում` դասախոսի կողմից ստորագրված տեղեկանք, որտեղ նշված կլինի ուսանողի լեզվի իմացության համապատասխան մակարդակն ըստ լեզուների իմացության համաեվրոպական համակարգի (CEFR):
Հարցերի և հավելյալ տեղեկատվության դեպքում կարող եք դիմել ԲՊՀ Արտաքին կապերի և միջազգային համագործակցության բաժին կամ Գերմաներենի ամբիոն:
