Հարգելի՛ ուսանողներ,

Վ․ Բրյուսովի անվան պետական համալսարանի Շրջանավարտների միավորումը՝ «Սահակյան Բաղրամյան հիմնադրամ»-ի հետ համատեղ, հայտարարում է էսսեների մրցույթ ԲՊՀ բակալավրիատի և մագիստրատուրայի ուսանողների համար։

Գործն է անմահ, լա՛վ իմացեք,

Որ խոսվում է դարեդար,

Երնե՜կ նըրան, որ իր գործով

Կապրի անվերջ, անդադար։

Դարեր անց հիշողությունը մեր մասին կխամրի, մեր անունները կմոռացվեն, իսկ մեր լուսանկարները կանհետանան։ Այնուամենայնիվ, աշխարհի յուրաքանչյուր անկյունում և յուրաքանչյուր դարաշրջանում կլինեն անհատներ, որոնք կդիմակայեն ժամանակի և տարածության դաժան ազդեցությանը՝ իրենց մասին թողնելով մնայուն ժառանգություն:

Հունիս ամսին են ծնվել նրանցից երկուսը՝ նշանավոր հայորդիներ Արամ Խաչատրյանը և Քըրք Քըրքորյանը։ Արամ Խաչատրյանը ծնվել է 1903թ. հունիսի 6-ին, իսկ Քըրք Քըրքորյանը՝ 1917թ. հունիսի 6-ին։ Նրանց գործն ու ժառանգությունը հավերժ են:

Խնդրում եմ գրել էսսե «Գործն է անմահ» թեմայով, որտեղ կներկայացվեն Ձեր վեհ գաղափարները, նպատակներն ու քայլերը, որոնց միջոցով դուք կթողնեք Ձեր արժանի ժառանգությունը և որի մասին նույնպես «կխոսվի դարեդար»։

Ուղեցույց.

- Էսսեն պետք է լինի առավելագույնը 3500 բառ: Յուրաքանչյուր ուսանող կարող է ներկայացնել միայն մեկ էսսե,

- Բոլոր էսսեները պետք է լինեն վերնագրված, էջերը՝ համարակալված, տառաչափը՝ 12

- Էսսեները ուղարկել tigran@americanaarmenia.com և levon.babamyan@gmail.com էլ․ հասցեներին։

- Հայտերի ներկայացման վերջնաժամկետն է երեքշաբթի՝ 10․09․2024, ժ․ 23:59

- Մրցանակները կհանձնվեն երկուշաբթի՝ 23․09․2024, ժ․ 13։00-ին, մասնակիցների հետ ընդհանուր քննարկման ժամանակ

- 1-ին հորիզոնական (3 հոգի) - $600

- 2-րդ հորիզոնական (3 հոգի) - $500

- 3-րդ հորիզոնական (3 հոգի) - $250

Կազմակերպիչ՝ ԲՊՀ Շրջանավարտների միավորում

Ֆինանսավորումը՝ «Սահակյան Բաղրամյան հիմնադրամ», գործադիր տնօրեն՝ ԲՊՀ շրջանավարտ Տիգրան Սահակյան

Sahakyan Bagramyan Fund, Inc.

179 West End Avenue, Ste 201, Brooklyn, NY 11235