«Կրթությունը հնարավորություն է»

Ամիօ բանկը մեկնարկում է Amio Era ծրագիրը

Կորպորատիվ սոցիալական պատասխանատվության շրջանակում Ամիօ բանկը հայտարարում է Amio Era ծրագրի նոր մեկնարկը՝ կրթության կարևորությունը բարձրաձայնելով որպես հիմնարար ներդրում հասարակության զարգացման մեջ։ Ծրագիրը նպատակ ունի աջակցել բարձր առաջադիմությամբ ուսանողներին՝ ապահովելով նրանց կրթության շարունակականությունը և մասնագիտական աճը։

Amio Era ծրագիրը նախատեսված է առաջինից երրորդ կուրսում սովորող ուսանողների համար, որոնք ֆինանսապես խոցելի խմբերից են և ունեն բարձր առաջադիմություն։ Մրցույթում հաղթող ընտրված ուսանողները կստանան`

· իրենց հաջորդ ուսումնական տարվա վարձի ֆինանսավորում
· Ամիօ բանկում աշխատելու հնարավորություն:

Ուսանողների ընտրությունն իրականացվելու է մրցութային հիմունքներով՝ ներառելով հետևյալ երեք փուլերը․

1. Մոտիվացիոն նամակի ներկայացում և պաշտպանություն
2. Թիմային բիզնես առաջադրանքի (քեյսի) լուծում
3. Անհատական հարցազրույց

Երեք փուլերի ընդհանուր գնահատականների հիման վրա լավագույն ուսանողները կընտրվեն որպես ծրագրի մասնակից:

Դիմելու համար անհրաժեշտ է լրացնել առցանց հայտը:

Դիմումներն ընդունվում են բացառապես առցանց ձևաչափով։

Ծրագրի մանրամասներին կարող եք ծանոթանալ այստեղ կամ հետևելով Amio Era-ի ինստագրամյան էջին:

Ամիօ բանկը մաղթում է բոլոր դիմորդներին հաջողություն՝ քայլ առ քայլ կառուցելու իրենց ապագան։

Կհանդիպենք Amio ժամանակաշրջանում։