«Վ. Բրյուսովի անվան պետական համալսարան» հիմնադրամը (այսուհետև՝ ԲՊՀ) հայտարարում է մրցույթ ներքոնշյալ ամբիոնների  պրոֆեսորադասախոսական հետևյալ պաշտոնների համար՝

Պրոֆեսորադասախոսական կազմի դոցենտի թափուր պաշտոնի կարող են հավակնել այն անձինք, որոնք համապատասխանում են ««Վ. Բրյուսովի անվան պետական համալսարան» հիմնադրամի պրոֆեսորադասախոսական կազմի պաշտոնների բնութագրիչների, պաշտոններին հավակնորդների մրցութային ընտրության և պրոֆեսորադասախոսական կազմի պաշտոններում նշանակման» կարգի 20-րդ և 21-րդ կետերի պահանջներին։

Դոցենտի թափուր պաշտոնի մրցույթին մասնակցելու համար անհրաժեշտ է ներկայացնել վերոնշյալ կարգի 31-րդ կետով սահմանված հետևյալ փաստաթղթերը՝

ա) գրավոր դիմում ռեկտորի անունով,

բ) անձնագրի կամ նույնականացման քարտի և սոցիալական քարտի պատճենները,

գ) կադրերի հաշվառման անձնական թերթիկ՝  փակցված լուսանկարով (3x4 չափի), որում նշված է մշտական բնակության հասցեն, քաղաքային կամ բջջային հեռախոսահամարները, էլեկտրոնային փոստի հասցեն,

դ) ինքնակենսագրություն,  

ե) բարձրագույն կրթության դիպլոմ(ներ)ի պատճեն(ներ)ը,

զ) գիտական աստիճան(ներ)ի դիպլոմ(ներ)ի և կոչման (կոչումների) վկայական(ներ)ի պատճենները,

է) հրատարակված գիտական և ուսումնամեթոդական աշխատանքների և գյուտերի ցանկը՝ հաստատված ուսումնական հաստատության գիտքարտուղարի կողմից,

ը) տվյալներ պարգևատրումների, մրցանակների և պատվավոր կոչումների վերաբերյալ՝ կցելով համապատասխան փաստաթղթերը (եթե առկա են),  

թ) վերջին 5 տարում անցած վերապատրաստումների վկայականները կամ հավաստագրերը (եթե առկա են),  

ժ) տեղեկանք և (կամ)   բնութագիր վերջին աշխատանքի վայրից,

ի) ըստ պաշտոնի հավակնորդի հայեցողության՝ գիտամանկավարժական գործունեությունը բնութագրող այլ փաստաթղթեր:

Նախապատվությունը կտրվի մրցույթի մասնակից այն անձանց, ովքեր առավել կհամապատասխանեն ԲՊՀ-ի կողմից դոցենտի պաշտոնի անձնագրով սահմանված չափանիշներին:

Մրցույթին մասնակցելու համար դիմումները (փաստաթղթերը` բնօրինակներով) ներկայացնել սույն թվականի մարտի 21-ից մինչև ապրիլի 21-ը ներառյալ` ժամը 09:00-ից 17:00-ն (բացի շաբաթ, կիրակի և հանգստյան օրերից), համապատասխան ֆակուլտետի խորհրդի քարտուղարին՝ (հասցեն՝ ՀՀ, ք. Երևան, 0002, Թումանյան 42):

Լեզվաբանության և մանկավարժության ֆակուլտետի խորհուրդը տեղի կունենա մայիսի 2-ին, ժամը 13:30-ին:

Հանրային հաղորդակցության և սերվիսի ֆակուլտետի խորհուրդը տեղի կունենա մայիսի 6-ին, ժամը 12:00-ին:

Թարգմանության ֆակուլտետի խորհուրդը տեղի կունենա ապրիլի 30-ին, ժամը 15:00-ին:

Միջմշակութային հաղորդակցության և քաղաքագիտության ֆակուլտետի խորհուրդը տեղի կունենա մայիսի 7-ին, ժամը 12:00-ին:

Տեղեկացնում ենք, որ համաձայն սահմանված կարգի մրցույթի արդյունքում ընտրված անձը հաստիքային հիմնական աշխատանքի է անցնում 2025թ. սեպտեմբերի 1-ից: Պրոֆեսորադասախոսական կազմի հիմնական պաշտոններում մրցույթով ընտրված թեկնածուն նշանակվում է պաշտոնի ռեկտորի հրամանով՝ առաջին անգամ ընտրվելու դեպքում՝ մինչև 3 տարի ժամկետով, որն այնուհետև կարող է երկարացվել մինչև 5 տարի:

«Վ. Բրյուսովի անվան պետական համալսարան» հիմնադրամ