Սիրով տեղեկացնում ենք, որ 2024թ. հոկտեմբերի 24-25-ը ՇՊՀ֊ում տեղի կունենա «Շիրակի Մ. Նալբանդյանի անվան պետական համալսարան» հիմնադրամի հիմնադրման 90-ամյակին նվիրված «Կրթության և գիտության արդի հիմնախնդիրները» խորագրով միջազգային գիտաժողովը:

Գիտաժողովի հիմնական ուղղություններն են՝

• Ֆիզիկամաթեմատիկական գիտություններ,
• Կենսաբանական գիտություններ (գյուղատնտեսություն),
• Գիտություններ Երկրի մասին,
• Տեխնիկական գիտություններ,
• Տնտեսագիտություն,
• Պատմական գիտություններ,
• Բանասիրական գիտություններ,
• Մանկավարժական գիտություններ (այդ թվում դասավանդման մեթոդիկաներ),
• Հոգեբանական գիտություններ,
• Արվեստագիտություն:

Գիտաժողովի աշխատանքային լեզուներն են՝ հայերեն, ռուսերեն և անգլերեն:

Գիտաժողովի անցկացման ձևերն են՝ առկա և հեռավար:

Գիտաժողովին մասնակցելու համար անհրաժեշտ է մինչև 2024թ. սեպտեմբերի 15֊ը առցանց համակարգով լրացնել մասնակցության հայտը՝ պարտադիր կցելով զեկուցմանը համապատասխան հոդվածը՝ ըստ ներկայացվող չափորոշիչների: Ներկայացված հոդվածներից տեխնիկական ստուգման փուլն անցածները կընդգրկվեն գիտաժողովի ծրագրում, իսկ գրախոսման արդյունքում դրական կարծիքի արժանացածները կտպագրվեն ՇՊՀ-ի Գիտական տեղեկագրի հատուկ համարում՝ նվիրված համալսարանի հիմնադրման 90-ամյակին:

Անհրաժեշտ է մինչև 2024թ. հոկտեմբերի 1-ը sush.science2023@gmail.com էլեկտրոնային հասցեին ուղարկել զեկուցումներին համապատասխան ցուցադրույթները: