Արագ հղում

Yerevan Brusov State University of Languages and Social Sciences

 



Նորություններ

ՀԱՆԴԻՊՈՒՄ ՀՀ ԶԲԱՂՎԱԾՈՒԹՅԱՆ ՊԵՏԱԿԱՆ ԳՈՐԾԱԿԱԼՈՒԹՅԱՆ ՆԵՐԿԱՅԱՑՈՒՑՉԻ ՀԵՏ

Նամակ գրել Տպել PDF

Մայիսի 24-ին Երևանի Վ. Բրյուսովի անվան պետական լեզվահասարակագիտական համալսարանի գրադարանի նիստերի դահլիճում տեղի ունեցավ հանդիպում ՀՀ աշխատանքի և սոցիալական հարցերի նախարարության աշխատակազմի զբաղվածության պետական գործակալության գործատուների և աշխատաշուկայում ծառայություններ մատուցող կազմակերպությունների հետ համագործակցության բաժնի պետ Վահագն Հովհաննիսյանի հետ:

Գործակալության հիմնական առաքելությունն է աջակցել աշխատանք փնտրողներին` աշխատանքի տեղավորման, իսկ գործատուներին` որակյալ մասնագետներ ձեռք բերելու հարցում: Ուսանողների հետ կայացած հանդիպմանը գործակալության ներկայացուցիչը կարևորեց կառույցի դերը աշխատանք գտնելու հարցում: Վ. Հովհաննիսյանը հորդորեց հետևել կառույցի գործունեությանը՝ այն համարելով գործատուների կողմից առաջարկվող թափուր աշխատատեղերի մասին տեղեկատվություն ստանալու հիանալի հարթակ:

«Ուզում եմ, կարող եմ, պետք է» այս կարգախոսն ըստ գործակալության ներկայացուցչի, աշխատանք փնտրող անձանց համար շարժիչ ուժ է՝ լավագույնը և օգտակարը փնտրելու և գտնելու գործում:

Կարիերայի կենտրոնի ղեկավար Լևոն Բաբամյանն էլ, կարևորելով այս հանդիպումը, նշեց առաջիկայում գործակալության հետ համագործակցության հուշագիր կնքելու պատրաստակամության մասին:

33302984_1612860842164277_1120406970088554496_n  33520803_1612861435497551_4131234496907313152_n 

ՀԱՆԴԻՊՈՒՄ ՃԱՄԲԱՐՆԵՐԻ ՏՆՕՐԵՆՆԵՐԻ ՀԵՏ

Նամակ գրել Տպել PDF

Մայիսի 23-ին Երևանի Վ. Բրյուսովի անվան պետական լեզվահասարակագիտական համալսարանը հյուրընկալել էր «Հասմիկ», «Լուսաբաց», «Արագած», «Հեքիաթային կիրճ», «Լավա Աղբյուր» և «Հանքավանի Խոտոր ջուր առողջարան» ճամբարների տնօրեններին, որոնք ԵՊԼՀ-ի գրադարանի նիստերի դահլիճում հանդիպում ունեցան ԵՊԼՀ ուսանողների հետ, ներկայացրին ճամբարների գործունեությունը: Տնօրենների խոսքով՝ ճամբարներին իբրև ջոկատավարներ մասնակցելը մեծ առավելություն ունի ուսանողների համար, քանի որ այն մեծ փորձ է՝ ուղղված մասնագիտական կարողությունների և հմտությունների զարգացմանը:

Հատկանշական է, որ երեխաների ամառային հանգիստը կազմակերպվում է մի քանի հերթափոխով, որոնց ուսանողները կարող են մասնակցել սեփական նախընտրությամբ:

ԵՊԼՀ Կարիերայի կենտրոնի ղեկավար Լևոն Բաբամյանը նշեց, որ նման հանդիպումները շարունակական կլինեն: Հաջորդ հանդիպումը կկայանա մայիսի 30-ին:


33342186_1611978592252502_4828225053877338112_n 33302264_1611978648919163_7120396370439045120_n 33300757_1611978568919171_3476105757810753536_n

«ԻՄ ԻՐԱՎՈՒՆՔՆԵՐԸ ՏԱՆԸ» ԽՈՐԱԳՐՈՎ ՔՆՆԱՐԿՈՒՄ ԵՊԼՀ-ՈՒՄ

Նամակ գրել Տպել PDF

Մայիսի 22-ին Երևանի Վ. Բրյուսովի անվան պետական լեզվահասարակագիտական համալսարանի գրադարանի նիստերի դահլիճում տեղի ունեցավ «Իմ իրավունքները տանը» խորագրով քննարկում, որը կազմակերպվել էր «Հոդված 3» կազմակերպության կողմից՝ ՄԱԿ-ի մարդու իրավունքների համընդհանուր հռչակագրի ընդունման 70-ամյակի առթիվ: Միջոցառման ընթացքում անդրադարձ կատարվեց ընտանիքում երեխաների իրավունքներին, ընտանեկան հարաբերությունների օրենսդրական կարգավորումներին, կանանց իրավունքի իրացման հիմնախնդիրներին: Բանախոսներ Նոնա Գալստյանը, Հասմիկ Խալափյանը և Զարուհի Հովհաննիսյանը, ուսանողների հետ քննարկելով անձի իրավունքներն ընտանիքում, մանրամասն ներկայացրին նաև ամուսինների փոխհարաբերությունների իրավական հիմքերը:

«Շատ ուրախ եմ ողջունել ուսանողությանը, որն իրավազորն է այս երկրի: Շատ ուրախ եմ նաև, որ կանանց դերը բարձրացել է քաղաքացիական շարժումներում: Ցավոք, նույնը չի կարելի ասել կուսակցությունների դեպքում, որոնք իրենցից ներկայացնում են տղամարդկանց ակումբներ, իսկ կանանց մասնակցությունը ավելի շատ քվոտավորված է. նրանք կատարում են ավելի շատ ենթակայի դեր, այլ ոչ թե քաղաքականության ակտիվ դերակատարի»,- ասաց քննարկման բանախոս, «Ընդդեմ կանանց նկատմամբ բռնության» կոալիցիայի անդամ Զարուհի Հովհաննիսյանը: Անդրադառնալով վերջին հեղափոխության ժամանակ կանանց դերակատարությանը՝ Զարուհի Հովհաննիսյանը նկատեց, որ կանանց մասնակցությունը շատ բարձր էր. «Կարծում եմ՝ հետագայում մենք կկարողանանք ներազդել արդյունքների բաշխման արդար կատարման վրա»,- հավելեց բանախոսը:   

33186750_1611069595676735_6469316518487261184_n 33194598_1611069689010059_6873884948663631872_n 33303720_1611069585676736_3174014276654333952_n 33304080_1611069679010060_3240866215710687232_n

ԵՊԼՀ-ՈՒՄ ԱՄՓՈՓՎՈՒՄ Է ՈՒՍՈՒՄՆԱԿԱՆ ՏԱՐԻՆ

Նամակ գրել Տպել PDF

Համալսարանական 4 տարիների ավարտն ազդարարում է ավարտական աշխատանքների պաշտպանությունը, որի նախապատրաստական ողջ ընթացքն անցնում է լարված ու անհանգիստ: ԵՊԼՀ-ի Սոցիալական գիտությունների և սերվիսի (ՍԳՍ) ֆակուլտետում մայիսի վերջին տասնօրյակում ամփոփվեցին ավարտական աշխատանքների պաշտպանությունները: Դրանք անցել են անկաշկանդ ու ջերմ  մթնոլորտում: Ինչպես նշում  են քննող հանձնաժողովի անդամները, ուսանողների գրանցած արդյունքները գոհացուցիչ են: Այս տարի ՍԳՍ ֆակուլտետի ավարտական աշխատանքների պաշտպանությունները անցել են նաև նորարական մեթոդների կիրառմամբ. նախկինում գործող ավարտական քննությունների փոխարեն, բակալավրիատում սովորող ուսանողները որպես դիպլոմային աշխատանք ներկայացրել են հետաքրքիր  ու  բազմատեսակ նախագծեր՝ նորարարական լուծումներով: ՍԳՍ ֆակուլտետի մագիստրատուրայի տեղեկատվություն և հանրային հաղորդակցման տեխնոլոգիաներ բաժնի ուսանողուհի Նարե Մուրադյանը, իր գոհունակությունը հայտնելով  մագիստրոսական թեզերի պաշտպանության ընթացքի վերաբերյալ, նշեց. «Շատ անկաշկանդ էր, առանց լարվածության, իսկ հանձնաժողովի անդամների վերաբերմունքը դրական էր և պրոֆեսիոնալ»:

 Նշենք, որ ԵՊԼՀ սոցիալական գիտությունների և սերվիսի ֆակուլտետն ավարտել են բակալավրիատի 136 և մագիստրատուրայի 67 ուսանողներ: Բակալավրիատում ֆակուլտետն ունի 37, իսկ մագիստրատուրայում՝ 39 կարմիր դիպլոմակիր: Ավարտական աշխատանքների պաշտպանությունների ընթացքում ուսանողների և հանձնաժողովի անդամների միջև  ստեղծվել էր դրական և հաճելի մթնոլորտ: 


DSC_0403

ԸՆԹԱՑՔԻ ՄԵՋ ԵՆ ԵՊԼՀ-Ի ԿՐԹԱԿԱՆ ԾՐԱԳՐԵՐԻ ԱՐԴԻԱԿԱՆԱՑՄԱՆ ԱՇԽԱՏԱՆՔՆԵՐԸ

Նամակ գրել Տպել PDF

Երևանի Վ. Բրյուսովի անվան լեզվահասարակագիտական համալսարանը պատրաստվում է բուհի երկրորդ հավատարմագրման գործընթացին:

ԵՊԼՀ-ի գործունեության կարևորագույն այս շրջափուլում բուհի բոլոր ստորաբաժանումներում մեկնարկել են ԵՊԼՀ-ի նոր՝ 2018-2023թթ. Ռազմավարական ծրագրի մշակման և կրթական գործընթացի, կրթական ծառայությունների արդյունավետության բարձրացման աշխատանքները:

Պայմանավորված կրթության ոլորտի զարգացման առաջնահերթություններով, հայաստանյան և միջազգային աշխատաշուկայի արդի պահանջներով՝ սահմանվել է ԵՊԼՀ-ի կրթական ծրագրերի բովանդակային և կառուցվածքային բարեփոխումների անհրաժեշտությունը.բուհում գործող  կրթական ծրագրերը վերահաստատվել էին 2013-2014 թվականներին:

Կրթական ծրագրերի փուլային բարեփոխումները սկսվել են միջազգային, մասնավորապես եվրոպական և ԱՊՀ առաջատար բարձրագույն ուսումնական հաստատություների կրթափորձի խորքային ուսումնասիրությամբ:

Մասնագիտական բոլոր ամբիոններում իրականացվե է ԵՊԼՀ-ի և Հայաստանի, եվրոպական ու  ԱՊՀ կրթական տարածքների կրթական ծրագրերի համեմատական վերլուծություն  (բենչմարքինգ), որի նպատակն է ուսումնասիրել ԵՊԼՀ-ի մասնագիտությունների կրթական ծրագրերի (ՄԿԾ), կրթական ծառայությունների համադրելիությունը  այլ  բուհերի, այդ թվում՝ աշխարհի առաջատար բուհերի համանման կրթական ծրագրերի հետ:

Սա կարևորագույն խնդիր է ուսանողների ակադեմիական շարժունությունը իրապես ապահովելու համար: ԵՊԼՀ-ի ուսանողությունը իր՝ ուսումնառության արդյունքների գնահատման հարցումներում մշտապես բարձրաձայնել է այս խնդիրը՝ կրթական ծրագրերի և դրանց վերջնարդյունքների համադրելիություն այլ բուհերի կրթական ծրագրերի հետ:

Մասնագիտական կրթական ծրագրերի բարեփոխումները ընդլայնելու են աշխատաշուկայում ԵՊԼՀ-ի շրջանավարտների մասնագիտական գործունեության հնարավորությունները՝ նրանց դարձնելով շատ ավելի մրցունակ թե Հայաստանում, թե արտերկրում:

ՄԿԾ-երի արդիականացումը ԵՊԼՀ-ում մասնակցային գործընթաց է, որը հաշվի է առնում կրթության բոլոր շահառուների՝ աշխատաշուկա, ուսանող, պրոֆեսորադասախոսական անձնակազմ, պահանջներն ու կարիքները:

Մյուս կարևորագույն խնդիրը, որ շեշտադրվել է այս գործընթացում, լեզվաբանական, հասարակագիտական գիտությունների դասավանդման ավանդական փորձի վրա կրթության բովանդակությունը գիտության նորագույն , միջգիտակարգային զարգացումներին ներդաշնակ բովանդակությամբ հագեցնելն է:

Լեզվաբանությունը լեզվի գիտություն է, և դրա ուսումնասիրությունը սերտորեն առնչակցվում է միջգիտակարգային հումանիտար և ճշգրիտ գիտությունների հետ: Այս խնդիրները ուսումնասիրվել են դեռևս 19-րդ դարում հայտնի գիտնականներ Խոմսկու, Մարկովի և այլոց  կողմից:

ՄԿԾ-երը իրենց բոլոր բարեփոխումներով համապատասխանելու են բարձրագույն կրթության՝ ՀՀ կառավարության կողմից 2001թ-ին հաստատված չափորոշիչներին, ՀՀ ՈԱՇԻ-ի պահանջներին, կրթության ոլորտի զարգացման արդի մարտահրավերներին:

Սա նշանակում է , որ կրթական ծրագրերը անցնելու են համակողմանի քննարկում բուհի համապատասխան ստորաբաժաննումներում, մասնավորապես՝ մասնագիտական, սպասարկող ամբիոններում, ուսանողության շրջանում:

Միայն այս քննարկումներից հետո բարեփոխված ուսումնական ծրագրերը կներկայացվեն ԵՊԼՀ-ի գիտխորհրդի հաստատմանը:

Հ.Գ. ՀՀ կրթության և գիտության նախարար Ա. Հարությունյանը Հայաստանի բարձրագույն ուսումնական հաստատությունների ռեկտորների հետ մայիսի 19-ի հանդիպման ժամանակ հանձնարարել է բոլոր բուհերի ՄԿԾՆ-երի բովանդակային և կառուցվածքային բարեփոխումներ՝ պայմանավորված կրթության բովանդակության փոփոխությունների անհրաժեշտությամբ և աշխատաշուկայի պահանջներով:

Էջ 1 ... 65-ից

ԲաններԲաններ
Բաններ
Բաններ
Բաններ
Բաններ
Բաններ
Բաններ