Արագ հղում

Yerevan Brusov State University of Languages and Social Sciences

 



< Մայիս 2018 >
Եր Եր Չր Հն Ու Շա Կի
  1 2 3 4 5 6
7 8 9 10 11 12 13
14 15 16 17 18 19 20
21 22 24 25 26 27
28 29 30 31      

Նորություններ

ԵՊԼՀ-Ի ՌԵԿՏՈՐ ՏԻԿԻՆ ԿԱՐԻՆԵ ՀԱՐՈՒԹՅՈՒՆՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՄԱՅՐՈՒԹՅԱՆ ԵՎ ԳԵՂԵՑԿՈՒԹՅԱՆ ՏՈՆԻ ԱՌԹԻՎ

Նամակ գրել Տպել PDF

ԵՊԼՀ-ի սիրելի՛ կանայք և աղջիկներ,

ի սրտե շնորհավորում եմ Ձեզ Մայրության և գեղեցկության տոնի առթիվ: Թող գարնանային այս պայծառ և արևոտ տոնը Ձեր հաջողությունների համար նոր սկիզբ դառնա: Այս օրը պատեհ առիթ է Ձեզ երախտիքի և գնահատանքի խոսքեր հղելու և Ձեր դերը մեր բուհի զարգացման և առաջընթացի գործում արժևորելու համար: Շնորհակալություն հայտնելով Ձեզ Ձեր աշխատանքի ու  նվիրումի համար և կրկին շնորհավորելով` մաղթում եմ ընտանեկան սեր ու ջերմություն, աշխատանքային նորանոր ձեռքբերումներ, մասնագիտական եռանդուն և արդյունավետ գործունեություն, առողջություն, երջանկություն, կանացի հմայք ու գեղեցկություն:  Թող ժպիտը լինի Ձեր կյանքի մշտական ուղեկիցը:

30008194_10209344675328557_256937743_n

        

ՀԱՎԱՍՏԱԳՐԵՐ` ՌԱԶՄԱՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՆԵՐԿԱՅԱՑՈՒՑԻՉՆԵՐԻՆ

Նամակ գրել Տպել PDF

Ապրիլի 4-ին Երևանի Վ. Բրյուսովի անվան պետական լեզվահասարակագիտական համալսարանի նիստերի փոքր դահլիճում տեղի ունեցավ հավաստագրերի հանձնման արարողություն: ԵՊԼՀ ռեկտոր Կ. Հարությունյանը հավաստագրեր հանձնեց Վ. Սարգսյանի անվան ռազմական համալսարանի և Ա. Խամփերյանցի անվան ռազմական ավիացիոն համալսարանի դասախոսներին: 2018 թվականի փետրվարի 12-ին ՀՀ պաշտպանության նախարարության և Երևանի Վ. Բրյուսովի անվան պետական լեզվահասարակագիտական համալսարանի միջև կնքված պայմանագրի շրջանակներում բուհն իրականացնում է ռուսերեն և անգլերեն դասավանդող դասախոսների շարունակական վերապատրաստումներ և օտար լեզուների դասավանդման ծրագրերի, ուսումնական մեթոդների արդիականացում ռազմաուսումնական հաստատություններում: Ակադեմիական 72 ժամ տևողությամբ վերապատրաստումների ընթացքում 10 դասախոս ուսումնասիրել է օտար լեզուների ուսուցման ժամանակակից մեթոդներն ու դասավանդման առանձնահատկությունները:

Հավաստագրերի հանձնման արարողությանը ներկաներին ողջունեց ԵՊԼՀ ռեկտորը: Կարևորելով արդյունավետ համագործակցությունը՝ Կ. Հարությունյանը նշեց. «Հզոր և կրթված բանակը ժամանակի հրամայականն է, ուստի այն ջանքերն ու եռանդը, որ ներդրվել են մինչ այժմ, հիմնաքարն են, որի վրա իրապես պետք է մեկնարկի բուն մասնագիտական համագործակցությունը»:

ՀՀ ՊՆ կադրերի և ռազմական կրթության վարչության պետի տեղակալ Ն. Սմբատյանը, շնորհավորելով վերապատրաստված դասախոսներին, նշեց. «Սա ձեռքբերում է, թե՛ բուհի, թե՛ վերոնշյալ հաստատությունների համար և առավել խոր համագործակցության սկիզբ»:

Վերապատրաստումները շարունակական բնույթ կկրեն, և վերապատրաստումներից հետո հետադարձ կապի ապահովումը, դասախոսների միջև համագործակցային աշխատաոճ սերմանելու հնարավորությունները կնպաստեն շոշափելի առաջընթացի։ Ռուսաց և սլավոնական լեզուների ամբիոնի պրոֆեսոր Նինա Տատկալոն վստահեցրեց, որ վերապատրաստումներն ու մշակվող ուսումնական նյութերը կնպաստեն օտար լեզուների ուսուցման հիմքերի ամրապնդմանն ու զարգացմանը վերոնշյալ ռազմաուսումնական հաստատություններում: «Վերապատրաստումներն անհրաժեշտություն են, ուստի մենք պատրաստ ենք լսել ձեր առաջարկներն ու դիտողությունները»,-նշեց պրոֆեսորը և դասախոսների հետ քննարկեց հետագա անելիքները:

Եղավ նաև առաջարկ, մասնավորապես՝ կազմակերպել մասնագիտական ընթերցումներ, ինչպես նաև քննարկվեցին մասնագիտական ուսումնական ձեռնարկի մշակմանն ու տպագրւթյանն առնչվող որոշ հարցեր:

Մասնակիցներին շնորհավորելով և հանձնելով հավաստագրերը՝ ԵՊԼՀ ռեկտոր Կարինե Հարությունյանը հույս հայտնեց, որ այս վերապատրաստումները երաշխավորում են նոր մեթոդների կիրառումը հայստանյան ռազմական կրթական համակարգում, որն էլ անպայման կբարելավի ուսուցման որակը ռազմաուսումնական հաստատություններում։

IMG_9662 IMG_9665 IMG_9671 IMG_9674
IMG_9677 IMG_9679 IMG_9709 IMG_9719

ԵՊԼՀ ԱՎՍՏՐԻԱԿԱՆ ԳՐԱԴԱՐԱՆԻ ԳԻՏԱԿԱՆ ՂԵԿԱՎԱՐ ԼԻԱՆԱ ՍԱՖԱՐՅԱՆԻ ՀՈԴՎԱԾԸ OEAD NEWS ԱՄՍԱԳՐԻ ՀԱՄԱՐ

Նամակ գրել Տպել PDF

Գերմաներենի ամբիոնի դոցենտ, Ավստրիական գրադարանի գիտական ղեկավար Լիանա Սաֆարյանը «Ավստրիական գրադարանը որպես մշակույթների հանդիպման վայր» հոդվածում անդրադառնում է Ֆրանց Վերֆելի անվան Ավստրիական գրադարանի հիմնադրման պատմությանը, աշխատանքի հիմնական ուղղություններին և յոթ տարվա  գործունեության ընթացքում գրանցած հաջողություններին՝ կարևորելով համագործակցությունը Ավստրիայի դեսպանության, Ավստրիայի արտգործնախարարության մշակույթի վարչության, Կրթության և գիտության նախարարության, Ավստրիական փոխանակման ծառայության և «Գերմաներեն լեզվի ավստրիական դիպլոմ» կենտրոնական գրասենյակի հետ:

                                                EEAD 1 2

ԸՆԹԵՐՑԱՆՈՒԹՅՈՒՆ ՇԱՐԺՄԱՆ ՄԵՋ

Նամակ գրել Տպել PDF

29550275_594055297601271_751848387_n 29666349_1558452710938424_2073305493_n 29750403_594051914268276_106695122_n 29853170_594051917601609_901380249_n

Այս օրերին Երևանի Վ. Բրյուսովի անվան լեզվահասարակագիտական համալսարանի Համաշխարհային գրականության և մշակույթի ամբիոնը հյուրընկալել էր Ֆրանսիայից ժամանած երկու դերասան-բեմադրիչիներին՝ Մաքսիմ Ռենոյին և Ռոմեն Պիեռին: Վերջիններս մեր համասարանի մի խումբ ուսանողների հետ աշխատեցին ժամանակակից ֆրանսիական գրական տեքստերի շուրջ՝ նրանց հաղորդակից դարձնելով արդի ֆրանսիական մշակույթին: Մեր ուսանողներն էլ Մաքսիմին և Ռոմանին փորձեցին ծանոթացնել մեր երկրին և մեր ազգային մշակույթին:

Միջմշակութային այս հաղորդակցությունից ծնվեց ինքնատիպ մի ներկայացում՝ ընթերցանություն շարժման մեջ:

Թե՛ հանդիսատեսի հուզառատ խոսքերը, թե՛ ուսանողների արցուքոտ աչքերը և թե՛ ֆրանսիայից ժամանած դերասանների ջերմագին վերաբերմունքն ապացույցներն էին այն բանի, որ համատեղ աշխատանքը կայացած էր և անմոռաց հիշողություններ կթողնի բոլորի սրտերում:

                      29855450_1558452417605120_324612673_n 29750832_1558452827605079_782221346_n

ՀԱՅԱՍՏԱՆՈՒՄ ԿՈՐԵԱՅԻ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՈՒ ՅՈՒՆ ԳԸՆԻ ԱՅՑԸ ԵՐԵՎԱՆԻ Վ. ԲՐՅՈՒՍՈՎԻ ԱՆՎԱՆ ՊԵՏԱԿԱՆ ԼԵԶՎԱՀԱՍԱՐԱԿԱԳԻՏԱԿԱՆ ՀԱՄԱԼՍԱՐԱՆ

Նամակ գրել Տպել PDF

Ս.թ. մարտի 20-ին Երևանի Վ. Բրյուսովի անվան պետական լեզվահասարակագիտական համալսարանը (ԵՊԼՀ) հյուրընկալեց Հայաստանում Կորեայի Հանրապետության նորանշանակ դեսպան պարոն Ու Յուն Գընին (նստավայրը՝ Մոսկվա), Կորեայի Ազգային ժողովի 4 պատգամավորներին (Լի Յոնգ Հու, Ջոն Յոնգ Կի,  Յուն Հո Յունգ, Յո Յունգ Ջոն) և ՀՀ-ում Կորեայի Հանրապետության պատվո հյուպատոս Արմեն Աբրահամյանին:

Հանդիպմանը ներկա էին ԵՊԼՀ-ի ռեկտոր տիկին Կ. Հարությունյանը, Ասիական լեզուների ԳՈՒ կենտրոնի ղեկավար պարոն Ս. Բաբայանը, Արտաքին կապերի և միջազգային համագործակցության վարչության պետի տեղակալ Լ. Մադոյանը:

Այցի ընթացքում քննարկվեց կորեերեն լեզվի և մշակույթի դասավանդման գործում ԵՊԼՀ-ի հաջողությունները, նոր համատեղ ծրագրերի իրականացման հնարավորություններն ու համագործակցության շրջանակների ընդլայմանն ուղղված քայլերը: Քննարկվեց նաև ԵՊԼՀ-ում Սեջոնգ լեզվի դպրոց հիմնելու հնարավորությունը:

Կորեայի դեսպանը և պատգամավորները ԵՊԼՀ-ի կորեերենի և կորեական մշակույթի կենտրոնում հանդիպեցին կորեերենը որպես առաջին լեզու ուսումնառող ուսանողների հետ: Ուսանողների և հյուրերի միջև ծավալվեց հետաքրքիր քննարկում կորեերեն լեզվով՝ Կորեայի տնտեսության և կրթական համակարգի հաջողությունների վերաբերյալ: Կորեայի ԱԺ պատգամավորները գոհունակությամբ նշեցին ԵՊԼՀ-ի ուսանողների կորեերենի իմացության բարձր մակարդակը: Դեսպանը խոստացավ աջակցել ուսանողներին Կորեայում իրենց ուսումը շարունակելու և մասնագիտական պրակտիկան անցնելու հարցերում:  

Հանդիպման վերջում դեսպանը դասագրքեր նվիրեց կորեերենի և կորեական մշակույթի կենտրոնին՝ վստահություն հայտնելով, որ դրանք օգտակար կլինեն կորեերեն ուսումնասիրող բրյուսովականների համար:


IMG_9429  IMG_9405  20180320_111053

Էջ 4 ... 65-ից

ԲաններԲաններ
Բաններ
Բաններ
Բաններ
Բաններ
Բաններ
Բաններ