Արագ հղում

Yerevan Brusov State University of Languages and Social Sciences

 



< Նոյեմբեր 2018 >
Եր Եր Չր Հն Ու Շա Կի
      1 2 3 4
5 6 7 8 9 10 11
12 13 15 16 17 18
19 20 21 22 23 24 25
26 27 28 29 30    

Նորություններ

ԵՊԼՀ-ի հերթական հաջողությունը

Նամակ գրել Տպել PDF

ՀՀ կրթության և  գիտության նախարարության, ՀՀ մշակույթի  նախարարության և Բրիտանական խորհրդի  միջև համագործակցության վերաբերյալ  փոխըմռնման հուշագրի ստորագրման արդյունքում Հայաստանում մեկնարկել է ձեռնարկատիրական կրթության և ստեղծարար ոլորտի զարգացման «Ստեղծարար միտք» ծրագիրը, որը հնգամյա նախաձեռնություն է և նպատակ ունի նպաստել ստեղծարար ձեռնարկատիրական կրթության զարգացմանը՝ աջակցելով այս ոլորտում Միացյալ Թագավորության և ծրագրի մասնակից յոթ երկրների, ներառյալ՝ Հայաստանի ուսումնական հաստատությունների միջև միջազգային համագործակցության ձևավորմանը։

Միջազգային համագործակցության համար ներկայացված հայտերը ընտրվում էին բաց մրցույթի միջոցով, որին էլ մասնակցել է Երևանի Վ. Բրյուսովի անվան պետական լեզվահասարակագիտական համալսարանը:
Ծրագիրը նախատեսել էր ընդունել մոտ 20 գործընկերային առաջարկ, սակայն 100-ից ավելի դիմում էր ստացել և հուրախությամբ պետք է փաստենք, որ ԵՊԼՀ-ն Մեծ Բրիտան իայի Էսսեքսի համալսարանի հետ համագործակցության արդյունքում այն 20 հաջողակների կազմում է, որը հաղթահարել է բարդ մրցակցությունն ու
գնահատման խիստ գործընթացը:

Նշենք, որ ծրագրի ընթացքում ֆինանսական աջակցություն է տրամադրվում, որը նպատակ ունի նպաստել Միացյալ Թագավորության և Հայաստանի բարձրագույն ուսումնական հաստատությունների և ստեղծարար ոլորտի հաստատությունների միջև գործընկերային կապեր հաստատելուն և ստեղծարար ձեռնարկատիրական կրթության զարգացմանը։

Ծրագիրը ուսանողներին ու ստեղծարար ձեռներեցներին հնարավորություն կընձեռնի ձեռք բերել համապատասխան հմտություններ՝ բիզնես գաղափարների մշակման փուլից մինչև բիզնես ծրագրի ձևավորում և իրականացում։

united-kingdom-and-armenia-flags-vector-5956091

Թողարկվել է Կարիերայի ուղղորդման և խորհրդատվության եվրոպական ասպիրանտական ծրագրի պաշտոնական տեղեկագիրը

Նամակ գրել Տպել PDF

Capture1
Ինչպես տեղեկացրել էինք ս.թ. հունիսի 11-ից 15-ը Հունաստանի Հանրապետության Աթենք քաղաքում տեղի ունեցավ ECADOC (European Doctoral Programme in Career Guidance and Counselling) Կարիերայի ուղղորդման և խորհրդատվության եվրոպական ասպիրանտական ծրագրի հինգերորդ միջազգային ամառային դպրոցը՝ կարիերայի ուղղորդման և կառավարման ոլորտում հետազոտողների մասնակցութամբ: ԵՊԼՀ-ի Կարիերայի կենտրոնի մասնագետ, ԵՊԼՀ-ի Կրթության կառավարման և պլանավորման ամբիոնի հայցորդ, դասախոս Անի Հովսեփյանը ևս մասնակցեց 2018 թվականի ամառային դպրոցին:

Հուրախությամբ ուզում ենք հայտնել, որ վերջապես տպագրվել է ծրագրի պաշտոնական տեղեկագիրը, որտեղ կարող եք գտնել նաև ԵՊԼՀ ներկայացուցչի խոսքը:

Հիշեցնենք, որ ամառային դպրոցի ընթացքում Անի Հովսեփյանը ներկայացրել էր սեփական ատենախոսությունը՝ «Բարձրագույն կրթության համակարգում կարիերայի ուղղորդման գործընթացի կառավարման մանկավարժական հիմնախնդիրները» թեմայով (գիտական ղեկավար դոկտոր, պրոֆեսոր Հայկ Պետրոսյան): Ատենախոսությունը ներկայացվել է ինչպես ընդհանուր քննարկումների ընթացքում, այնպես էլ առանձին զեկույցով: Լինելով առաջին մասնակիցը ԱՊՀ-ից՝ Անի Հովսեփյանը ստացել է եզակի հնավարավորություն ներկայացնելու տարածաշրջանում և մասնավորապես Հայաստանի Հանրապետությունում կարիերայի ուղղորդման և խորհրդատվության  ոլորտի ընդհանուր պատկերը, առկա խնդիրները, ոլորտում առկա մարտահրավերները, բացթողումները, զարգացման հետագա միտումները և հնարավարությունները: Հանդիպումների ընթացքում ներկայացվել են նաև ԵՊԼՀ-ն, ինչպես նաև ԵՊԼՀ-ի Կարիերայի կենտրոնի և ԵՊԼՀ-ի Կրթության կառավարման և պլանավորման ամբիոնի գործունեությունը:

Capture2Capture3

ԵՊԼՀ-ի պարզաբանումը

Նամակ գրել Տպել PDF

Երեկ մեր համալսարանում ուսանողուհիներից մեկի հետ տեղի ունեցած միջադեպի հետ կապված հայտնում ենք, որ այսօր ՀՀ Ոստիկանության լրատվական ծառայության կողմից ստացվել է պաշտոնական տեղեկատվություն:

Հետաքննության արդյունքում պարզվել է, որ համալսարան որևէ անհայտ մարդ մուտք չի գործել և ուսանողուհու վրա հարձակում տեղի չի ունեցել: Նա որևէ մեկի կողմից ծեծի կամ բռնության չի ենթարկվել և առավելևս չի դանակահարվել: Ուսանողուհու կյանքին սպառնացող վտանգ չկա:

Բոլոր տարածված լուրերը բերնեբերան անցած, ուռճացված ասեկոսեներ են և չեն համապատասխանում իրականությունը:

Ինչ վերաբերում է մարմնի քերծվածքներին և ձեռքերի վրա առկա գրություններին, ապա, հաշվի առնելով անձնական կյանքի անձեռնմխելիության և գաղտնիության խնդիրը, զերծ ենք մնում մանրամասներ հայտնելուց:

Ցանկանում ենք նաև անդրադառնալ համալսարանի նախկին ուսանողական խորհրդի ֆեյսբուքյան էջի գրառմանը՝ կապված նշված դեպքի հետ: Ակնհայտորեն չհամակերպվելով այն իրավիճակի հետ, որ համալսարանի ուսանողության մեծամասնության ազատ կամարտահայտմամբ նախկին ուսանողական խորհուրդը լուծարվել է և զրկվել իր թվացյալ «ղեկավար» դիրքից, դրա որոշ անդամներ շարունակում են միտումնավոր կերպով տարածել ապատեղեկատվություն՝ փորձելով վարկաբեկել համալսարանի բարի համբավը և սևացնել ղեկավարության աշխատանքը:

Կարծում ենք, որ նրանք պետք է նախ և առաջ համալսարանի ողջ ուսանողությանը և աշխատակազմին, իսկ հետո նաև հանրությանը ներկայացնեն բացատրություն, թե ինչու են տարածում ակնհայտ ստեր և փորձում բորբոքել կրքեր՝ սարսափ ֆիլմերի ժանրով: Ի՞նչ «ողբերգական», «սարսափելի», «արյունալի» դեպքի կամ «խայտառակության» մասին է խոսքը: Ինչու՞ են իրենց թույլ տալիս գրել չստուգված, մտացածին և անհիմն տեղեկություններ, թե իբր համալսարանի ուսանող չհանդիսացող երեք աղջիկ մուտք են գործել համալսարան, դաժանաբար ծեծի ենթարկել մի ուսանողուհու, այնուհետև՝ դանակահարել նրան...: Այս անգամ անցել են բոլոր թույլատրելի սահմանները:

Հորդորում ենք, որ չարաբանությամբ և բանսարկություններով զբաղվելու փոխարեն, նախկին ուսանողական խորհրդի անդամ, մեր սիրելի ուսանողները վերջապես վերադառնան իրենց անմիջական պարտականությանը՝ սովորելուն: Հորդորում ենք նաև մոռանալ նախկին կուսակցական գործելաոճը և մտածելակերպը և հղկել իրենց բառապաշարը՝ հարիր դարձնելով լեզվահասարակագիտական համալսարանում սովորողին:

Ի դեպ, Երևանի Վ. Բրյուսովի անվան պետական լեզվահասարակագիտական համալսարանը բազմիցս է հայտարարել լրագրողների և լրատվամիջոցների հետ բաց և թափանցիկ աշխատելու իր որդեգրած գործելաոճի մասին: Ուստի, մեկ անգամ ևս խորհուրդ կտանք լրատվամիջոցների մեր գործընկերներին հետևել աշխատանքի արհեստավարժ գործելակերպի կանոններին և լրագրողական էթիկային, այն է՝ մինչև համալսարանի մասին տեղեկատվության հրապարակումը, ստուգել դրա հավաստիությունը բուհից: Հիշեցնում ենք նաև, որ մարդու մասնավոր կյանքին և անձնական տվյալներին վերաբերող տեղեկությունների հրապարակումը առանց դրանց իսկությունը ստուգելու և այդ անձի համաձայնությունը ստանալու, կարող է առաջացնել իրավական հետևանքներ:

ՀՀ ՈՍՏԻԿԱՆՈՒԹՅԱՆ ՊԱՐԶԱԲԱՆՈՒՄԸ

Նամակ գրել Տպել PDF

Ըստ նախնական տեղեկությունների՝ քաղաքացուհուն ոչ ոք չի վնասել, հարձակում չի եղել

ԶԼՄ-ներում տեղեկություն է հրապարակվել, որ հոկտեմբերի 23-ին հարձակման և դաժան ծեծի է ենթարկվել Երևանի Վ. Բրյուսովի անվան պետական լեզվահասարակագիտական համալսարանի ուսանողուհի: Հայտնում ենք, որ հոկտեմբերի 23-ին, ժամը 14.25-ին, հիվանդանոցից ոստիկանությունում հաղորդում է ստացվել, որ մարմնական վնասվածքներով հիշյալ համալսարանից բուժօգնության է տեղափոխվել 20-ամյա քաղաքացուհի: Քաղաքացուհուն, ըստ նախնական տեղեկությունների, ոչ ոք չի վնասել, որևէ մեկի կողմից հարձակում չի եղել, ինչի կապակցությամբ նա ոստիկանությունում տվել է բացատրություն: Հաշվի առնելով կատարվածի անձնական վարկածը՝ քաղաքացուհու վնասվածքների վերաբերյալ մանրամասներ հայտնել չենք կարող: Նախապատրաստվում են նյութեր:

http://www.police.am/news/view/parzabanum241018.html

«Աշխարհի լեզվական պատկերը» X միջազգային գիտաժողով ԵՊԼՀ-ում

Նամակ գրել Տպել PDF

Երևանի Վ. Բրյուսովի անվան պետական լեզվահասարակագիտական համալսարանում հոկտեմբերի 23-ին  տրվեց «Աշխարհի լեզվական պատկերը» X միջազգային գիտաժողովի մեկնարկը: Գիտաժողովի կազմակերպիչը ԵՊԼՀ Ռոմանական լեզուների ամբիոնն է:

Գիտաժողովի բացմանը ողջույնի խոսքով հանդես եկավ ԵՊԼՀ-ի ռեկտոր Կարինե Հարությունյանը. «Այսօր մեր համալսարանում բացվում է «Աշխարհի լեզվական պատկերը» 10-րդ հոբելյանական միջազգային գիտաժողովը: Այն կրկնակի կարևորություն է ձեռք բերում հենց այս տարի, երբ Հայաստանը նախագահում է Ֆրանկոֆոնիայի միջազգային կազմակերպությունը: Ոչ վաղ անցյալում Հայաստանում կայացավ Ֆրանկոֆոնիայի 17-րդ գագաթնաժողովը,  որի կարգախոսն էր «ապրել միասին»:  Այդ կարգախոսը տարածվում է այս գիտաժողովի վրա ևս՝ փոքր-ինչ այլ երանգով: Հարափոփոխ աշխարհը մեզ նոր մարտահրավերների առաջ է կանգնեցնում,  մասնավորապես՝ հումանիտար և ճշգրիտ գիտությունների միջև առկա անջրպետը հաղթահարելու համար: Այս գիտաժողովը նպատակ ունի իր ներդրումն ունենալ այս խնդրի լուծման մեջ»,- նշեց ԵՊԼՀ-ի ռեկտորը:

Գիտաժողովի բացմանը ներկա էր նաև Հայաստանում Ֆրանսիայի դեսպանության Մշակույթի և համագործակցության հարցերով խորհրդական Ալեքս Բորտոլանը, որը ևս ողջունեց գիտաժողովի մասնակիցներին:

Գիտաժողովի աշխատանքները հիմնական երեք աշխատանքային խմբերում էին ընթանում՝  Թարգմանություն և միջմշակութային հաղորդակցություն, դասավանդման նորագույն մեթոդներ. միջմշակութային հայեցակետ և համեմատական գրականություն:

Գիտաժողովի ընթացքում ելույթներով հանդես եկան արտասահմանյան հեղինակավոր մի շարք բուհերի դասախոսներ, որոնց թվում՝ Մարիա Էլենա Արոջո Կարերան և Բերնար Ֆրանկոն Փարիզի Սորբոնի համալսարանից, Լյուդմիլա Զբանտը և Անժելա Գրադինարուն Քիշնևի պետական համալսարանից, Իրինա Բաբամովան Սկոպյեի համալսարանից, Վադիմ Կոլեսնիկովը Մինսկի լեզվաբանական համալսարանից և այլք:

IMG_0120 IMG_0125
IMG_0152 IMG_0132

Էջ 3 ... 79-ից

ԲաններԲաններ
Բաններ
Բաններ
Բաններ
Բաններ
Բաններ
Բաններ