Արագ հղում

Yerevan Brusov State University of Languages and Social Sciences

 



< Դեկտեմբեր 2018 >
Եր Եր Չր Հն Ու Շա Կի
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Նորություններ

ՀՀ ԱՍՀ նախարարի տեղակալ Արման Ուդումյանը ԵՊԼՀ-ում էր․ փոխհամագործակցության հուշագիրը կաջակցի ԵՊԼՀ շրջանավարտների աշխատանքի տեղավորմանը

Նամակ գրել Տպել PDF
1 2 5

ՀՀ աշխատանքի և սոցիալական հարցերի փոխնախարար Արման Ուդումյանն ու Զբաղվածության պետական գործակալության պետի ժամանակավոր պաշտոնակատար Արտակ Սիմոնյանն այսօր Երևանի Վ. Բրյուսովի անվան պետական լեզվահասարակագիտական համալսարանում էին։  Այցելությունը ոչ միայն ճանաչողական էր, այլև՝ գործնական․ համալսարանի ռեկտորն ու փոխնախարարն այսօր երկու կառույցների միջև համագործակցության հուշագիր ստորագրեցին։

Հուշագրի համաձայն՝ երկու կառույցները պատրաստակամություն են հայտնում համատեղել ջանքերը մասնագետների վերապատրաստաման և որակավորման բարձրացման դասընթացների մշակման, իրականացման գործում, իսկ փոխադարձ հետաքրքրություն ներկայացնող ծրագրերի շրջանակում համագործակցությունը դարձնել առավել ակտիվ և առարկայական։  ՀՀ աշխատանքի և սոցիալական հարցերի նախարարությունը պատրաստակամություն է հայտնում աջակցել համալսարանի կարիերայի կենտրոնի գործունեությանը, համատեղ մշակել և իրականացնել ուսանողների և շրջանավարտների զբաղվածության ապահովմանն ուղղված ծրագրեր և միջոցառումներ։

«Ուրախ եմ, որ նախկինում բարի կամքի վրա հիմնված մեր հարաբերություններն այսուհետ նոր ձև ու բովանդակություն կստանան։ Լիահույս եմ՝ առաջիկայում մեր կառույցների միջև համագործակցությունը ավելի արդյունավետ, ավելի ակտիվ ու առարկայական կդառնա»,- նշեց ԵՊԼՀ  ռեկտոր Կարինե Հարությունյանը:

Հուշագրի ստորագրման պաշտոնական արարողությունից առաջ համալսարանի ուսանողներին և պրոֆեսորադասախոսական կազմի ներկայացուցիչներին ողջունեց նաև ոլորտը համակարգող փոխնախարար Արման Ուդումյանը։

«Սիրելի ուսանողներ, ամենադժվար գործը գործ գտնելն է։ Աշխատաշուկայում քո տեղը գտնելու համար այսօր ակադեմիական գիտելիքներից ոչ պակաս կարևոր են այսպես կոչված «փափուկ» հմտությունները (soft skills): Դրանք ձեռք բերելու համար եղեք պրոակտիվ․ ներգրավվեք որպես կամավոր ամենատարբեր ծրագրերում և վստահ եղեք, որ ձեր  ապագա գործատուն անպայման կգնահատի այդ հմտությունները․ ի վերջո կամավորական աշխատանքը նաև հաստատում է, որ դուք ձեր ապագան կապում եք համապատասխան ոլորտի հետ»,- նշեց Արման Ուդումյանը։

Կողմերը հույս հայտնեցին, որ ստորագրության ֆորմալ գործընթացից հետո կարճ ժամանակում կքննարկվեն համագործակցության զարգացման հնարավորություններն ու կհստակեցվեն համատեղ ծրագրերի շրջանակն ու ժամանակացույցը։




 3 4  6

ԵՊԼՀ-ում նշվեց «Լեզուների Եվրոպական օր 2018» ամենամյա միջոցառումը

Նամակ գրել Տպել PDF

Սեպտեմբերի 26-ին Երևանի Վ. Բրյուսովի անվան պետական լեզվահասարակագիտական համալսարանում (ԵՊԼՀ) տեղի ունեցավ «Լեզուների Եվրոպական օր 2018» ամենամյա միջոցառումը, որի նպատակն է ներկայացնել ԵՊԼՀ-ում դասավանդվող 22 օտար լեզուները և այդ լեզուների ուսումնասիրման հնարավորությունները:

ԵՊԼՀ-ի բակում ներկայացված էին տաղավարներ, որոնցից յուրաքանչյուրը ներկայացնում էր ԵՊԼՀ-ում դասավանդվող լեզուն և տվյալ երկրի մշակույթը:

Միջոցառմանը բացմանը ԵՊԼՀ-ի ռեկտոր Կարինե Հարությունյանը ողջույնի և շնորհավորանքի իր խոսքում նշեց. «Մեր համալսարանը տարիներ շարունակ հնարավորություն է տվել իր սաներին զարգանալ որպես բազմալեզու անձնավորություններ, ինչը շատ կարևոր է մերօրյա աշխարհում: Նշեմ, որ աշխարհում օգտագործվող մոտ 7000 լեզուներ կան: Եվրամիության 24 պաշտոնական լեզու կա, իսկ 200 այլ լեզուներ խոսվում են միայն Եվրամիության տարածքի երկրներում: Կարծում եմ, որ այսօր բոլորդ, անցնելով տաղավարներով, հնարավորություն կունենանք ծանոթանալու այն լեզուներին, որոնք դասավանդվում են մեր համալսարանում: Լիահույս ենք, որ դպրոցներից եկած մեր սիրելի աշակերտները, խոսելով դասախոսների հետ, տալով իրենց հետաքրքրող հարցերը ճիշտ որոշում կկայացնեն՝ հետագայում իրենց ուսումը շարունակելով ԵՊԼՀ-ում»-նշեց ԵՊԼՀ-ի ռեկտորը:

ԵՊԼՀ կարիերայի կենտրոնի ղեկավար Լևոն Բաբամյանն ընդգծեց՝ «Հրավիրել ենք Երևանի միջնակարգ և ավագ դպրոցների աշակերտների: Ներկայացնում ենք Բրյուսովի համալսարանում  դասավանդվող 22 օտար լեզուները  և կրթական ծրագրերը»:

Նշենք նաև, որ ԵՊԼՀ-ն իրականացնում է ոչ ֆորմալ կրթության ծրագիր` համագործակցելով «Եվրոպական կամավորական ծառայության» հետ: Հրավիրվում են տարբեր երկրներից երիտասարդներ, որոնք, մեկ տարվա ընթացքում ապրելով Հայաստանում,   ուսանողներին ծանոթացնում են իրենց մշակույթին և պատմությանը: Միջոցառումն ուղեկցվեց մշակութային կատարումներով, որոնք կրկին արտացոլում էին ԵՊԼՀ-ում դասավանդվող լեզուների ողջ ներկապնակը: Նշենք, որ Եվրախորհրդի նախաձեռնությամբ Լեզուների եվրոպական օրը նշվում է ամեն տարի՝ սեպտեմբերի 26-ին, 2001 թվականից ի վեր: Ողջ Եվրոպայով Եվրախորհրդի 47 անդամ երկրների 800 միլիոն ներկայացուցիչներին  կոչ է արվում սովորել մեկից ավելի լեզուներ ցանկացած տարիքում: Համոզված լինելով, որ լեզվի բազմազանությունը միջմշակույթային լավագույն հաղորդակցման բանալին է և մեր մայրցամաքի մշակութային հարուստ ժառանգության գլխավոր տարրերից մեկը՝ Եվրախորհուրդը խրախուսում է բազմալեզվությունը ողջ Եվրոպայում:

42614817_260783644574469_414954846509072384_n 42654674_268404194008089_4552284215542022144_n 42566776_335054160599588_8559638141802119168_n
IMG_20180926_120017 IMG_20180926_120301 IMG_20180926_121008
42528194_984554485066220_8063491542767108096_n 42532110_1896300764006234_6881930440316289024_n 42608086_705389253192745_998717485597327360_n

«Բուհ ընդունելության և որակավորումների ճանաչման վերաբերյալ հայ-նորվեգական համագործակցություն»

Նամակ գրել Տպել PDF

Սեպտեմբերի 24-ին Երևանի Վ. Բրյուսովի անվան լեզվահասարակագիտական համալսարանում տրվեց «Բուհ ընդունելության և որակավորումների ճանաչման վերաբերյալ հայ-նորվեգական համագործակցություն» եռամյա ծրագրի մեկնարկը: Ծրագիրն իրականացվում է Երևանի Վ. Բրյուսովի անվան լեզվահասարակագիտական համալսարանի (ԵՊԼՀ), Երևանի Մ. Հերացու անվան բժշկական համալսարանի (ԵՊԲՀ), Ակադեմիական փոխճանաչման և շարժունության կենտրոնի (ԱՓՇԱՏԿ), Հարավարևելյան Նորվեգիայի համալսարանական քոլեջի (USN), Կրթության որակի ապահովման նորվեգական գործակալության (NOKUT) ու Միջազգային համագործակցության և բարձրագույն կրթության որակի բարձրացման նորվեգական գործակալության (Diku) հետ: Ծրագիրն ուղղված է օտարերկրյա ուսանողների ընդունելության և որակավորումների ճանաչման ինստիտուցիոնալ ընթացակարգերի մշակմանը:

Ողջույնի խոսքով հանդես եկավ ԵՊԼՀ-ի ռեկտոր Կ. Հարությունյանը, որը կարևորեց բազմակողմ համագործակցությունը և վստահություն հայտնեց, որ համագործակցության այսօրինակ սկիզբը ճանապարհ է բացելու նոր՝ ավելի լայն համագործակցային հնարավորությունների համար:

Երկօրյա հանդիպումների առաջին օրը Կրթության որակի ապահովման նորվեգական գործակալության (NOKUT) ներկայացուցիչ Ռօլֆ Լոֆստադը ներկայացրեց Նորվեգիայի կրթական համակարգը՝ հանգամանալից կերպով անդրադառնալով կրթական բոլոր մակարդակներին և համակարգի զարգացման փուլերին: Ծրագրի մասնակից և գործըկեր բոլոր կողմերն էլ իրենց հերթին ներկայացրին իրենց հաստատությունը և գործառույթները: Աշխատանքային երկրորդ օրը ձևավորված 3 աշխատանքային խմբերը քննարկեցին ծրագրի հետագա անելիքները և յուրաքանչյուր կողմի գործառույթները:  

 IMG_9790 IMG_9737 IMG_9766

Ռումինացի դասախոս Մարիա Կլաուդիա Իոնեսկուն դասախոսություններ է անցկացրել ԵՊԼՀ-ում

Նամակ գրել Տպել PDF

Էրազմուս + Միջազգային կրեդիտային շարժունության գործողության շրջանակներում Երևանի Վ. Բրյուսովի անվան պետական լեզվահասարակագիտական համալսարանի և Ռումինիայի Հանրապետության Պիտեշտի համալսարանի միջև կնքված պայմանագրով ս.թ. սեպտեմբերի 17-21-ը ԵՊԼՀ էր ժամանել Պիտեշտի համալսարանի Կրթության, սոցիալական գիտությունների և հոգեբանության ֆակուլտետի դասախոս Մարիա Կլաուդիա Իոնեսկուն:

Աշխատանքային օրերի ընթացքում Մարիա Կլաուդիա Իոնեսկուն հանդիպումներ է ունեցել ԵՊԼՀ-ի Մանկավարժության և լեզուների դասավանդման մեթոդիկայի ամբոնի պրոֆեսորադասախոսական կազմի, Կարիերայի կենտրոնի և Արտաքին կապերի և միջազգային համագործակցության վարչության աշխատակիցների հետ, քննարկվել են երկու համալսարանների հետագա համագործակցության ուղղությունները և ծրագրերը: Մարիա Կլաուդիա Իոնեսկուն ԵՊԼՀ-ի բակալավրիատի և մագիստրատուրայի ուսանողների համար հանդես է եկել դասախոսություններով, որոնք հիմնականում վերաբերել են  լսարանում խմբային գործընթացներին և դրանց ազդեցությանը լսարանի կառավարման և ուսուցման վրա, լսարանի վրա սոցիալական ազդեցության ձևերին և դրանց ազդեցությանը, կարծրատիպերին, նախապաշարմունքներին և խտրական վերաբերմունքին ուսուցիչ-ուսանող հարաբերություններում և, վերջապես, սովորելու գործընթացում սոցիալական մոտիվացիայի դերին:

42164643_323291338430978_2874653724683272192_n 41856521_281163429385149_5376602741609070592_n 42116638_633261143734638_3052378509319077888_n 

Հայաստանում Արգենտինայի դեսպանատան և Կոնվերս բանկի հետ համագործակցության շրջանակում Երևանի Վ. Բրյուսովի անվան պետական լեզվահասարակագիտական համալսարանում բացվելու է արգենտինական մշակույթի կենտրոն

Նամակ գրել Տպել PDF

Հայաստանում Արգենտինայի դեսպանատան և Կոնվերս բանկի հետ համագործակցության շրջանակում Երևանի Վ. Բրյուսովի անվան պետական լեզվահասարակագիտական համալսարանում բացվելու է արգենտինական մշակույթի կենտրոն: Ծրագրի մեկնարկը անակնկալ միջոցառմամբ տրվեց սեպտեմբերի 20-ին: Ներկաներին սպասվում էր արգենտինական գեղեցիկ տանգո՝ պրոֆեսիոնալ պարողների կատարմամբ: Նախաձեռնության հեղինակը Կոնվերս բանկն էր, որն իր սոցիալական պատասխանատվության շրջանակներում խթանում է արգենտինական մշակույթի տարածումը Հայաստանում:

Միջոցառման սկզբում բացման խոսքով հանդես եկավ ԵՊԼՀ-ի ռեկտոր տիկին Կարինե Հարությունյանը. ‹‹ԵՊԼՀ-ի և Հայաստանում Արգենտինայի դեսպանատան միջև համագործակցությունը սկսվել է դեռ նախորդ տարի: Համագործակցության շրջանակում ամուր կապեր են հաստատվել Բուենոս Այրեսի համալսարանի հետ: Երկու բուհերի միջև համագործակցությունն առայժմ ընդգրկում է դասախոսների փոխանակման ծրագիր, սակայն լիահույս ենք, որ շուտով ուսանողները ևս կկարողանան օգտվել ծրագրերից և փոխանակման տարբեր հնարավորություններից››,- նշեց ԵՊԼՀ-ի ռեկտորը:

Կոնվերս բանկի գործառնությունների, ծառայությունների և ՏՏ դեպարտամենտի տնօրեն Գոհար Հարությունյանը նշեց, որ իրենց թիմը մեծ ոգևորությամբ է միացել ծրագրին. ‹‹Արգենտինայում շատ հայեր են ապրում և արգենտինական  նման կենտրոնի առկայությունը շատ կարևոր է և թերևս պատահական չէ, որ այն բացվելու է հենց այս համալսարանում››:

Միջոցառման ընթացքում ներկաները վայելեցին արգենտինական տանգո՝ արգենտինացի պրոֆեսիոնալ պարողների կատարմամբ: Այնուհետև, պարողները ներկայացրին պարի պատմությունը նշելով, որ պարը ևս լեզու է, որի միջոցով մարդիկ հասկանում են իրար: 

Միջոցառման ավարտին անցկացվեց նաև վարպետության դաս, որի ընթացքում պարողները ցանկացողներին սովորեցրին արգենտինական տանգոյի հիմնական շարժումները:  

IMG_20180920_175359081

Էջ 1 ... 73-ից

ԲաններԲաններ
Բաններ
Բաններ
Բաններ
Բաններ
Բաններ
Բաններ