Yerevan Brusov State University of Languages and Social Sciences

 



Announcements

«Բուհ ընդունելության և որակավորումների ճանաչման վերաբերյալ հայ-նորվեգական համագործակցություն»

Write e-mail Print PDF

Հարգելի գործընկերներ,

սիրով հրավիրում ենք Ձեզ մասնակցելու «Բուհ ընդունելության և  որակավորումների ճանաչման վերաբերյալ հայ-նորվեգական համագործակցություն»  ծրագրի մեկնարկին, որը տեղի կունենա ս.թ. սեպտեմբերի 24-ին, ժամը` 11:00-ին Երևանի Վ. Բրյուսովի անվան լեզվահասարակագիտական համալսարանի (ԵՊԼՀ) I մասնաշենքի նիստերի փոքր դահլիճում: Հանդիպման սկզբում կներկայացվի Նորվեգիայի բարձրագույն կրթության համակարգը:

Ծրագիրն իրականացվում է ԵՊԼՀ-ի, Երևանի Մ. Հերացու անվան բժշկական համալսարանի, Ակադեմիական փոխճանաչման և շարժունության կենտրոնի, Հարավարևելյան Նորվեգիայի համալսարանական քոլեջի և Կրթության որակի ապահովման նորվեգական գործակալության հետ համատեղ, և ուղղված է օտարերկրյա ուսանողների ընդունելության և որակավորումների ճանաչման ինստիտուցիոնալ ընթացակարգերի մշակմանը:

Կից ներկայացվում է հանդիպման օրակարգը:  https://goo.gl/RSdpCt

Flag-Pins-Armenia-Norway_600x600

«Ավստրիայի օրեր Երևանում» միջոցառումների շարք

Write e-mail Print PDF

Սեպտեմբերի 29-ից 30-ը անցկացվելու է «Ավստրիայի օրեր Երևանում» միջոցառումների շարքը, որի շրջանակներում Ավստրիական գրադարանի հյուրերն են Ավստրիայի կրթության և գիտության նախարարության «Մշակույթ և լեզու» բաժնի ղեկավար Նորբերտ Հաբելտը, աշխատակից Լուկաս Մայերհոֆերը և ավստրիացի կիթառահար Յուլիա Մալիշնիգը:

Սեպտեմբերի 28-ին նախատեսվում է այցելություն Կոտայքի մարզի Գեղաշենի միջնակարգ դպրոց, որը Ավստրիայի կրթության և գիտության նախարարության գործընկեր դպրոցն է:

Սեպտեմբերի 29-ից 30-ը Ավստրիական գրադարանում կանցկացվեն գերմաներենի դասախոսների և ուսուցիչների համար նախատեսված վերապատրաստման դասընթացներ՝ նվիրված Ավստրիայի երկրագիտությանը և ավստրիական խոհանոցին:

Սեպտեմբերի 29-ի երեկոյան Արամ Խաչատուրյանի տուն-թանգարանում տեղի կունենա կիթառի համերգ՝ ավստրիացի կիթառահար Յուլիա Մալիշնիգի մասնակցությամբ:

Երկօրյա սեմինարի ընթացքում մասնակիցները կստանան նաև տեղեկություն Հայաստանում անցկացվող գերմաներենի քննության ավստրիական վկայագրի վերաբերյալ:

 Սեմինարներին մասնակցելու համար խնդրում ենք գրանցվել հետևալ էլեկտրոնային հասցեով՝ austrianlibrary@brusov.am

1200px-Flag_of_Austria.svg

Սիրիահայ ուսանողների 2018-2019 ուսումնական տարվա կրթաթոշակների փոխհատուցման ծրագիր

Write e-mail Print PDF

ՀՀ Սփյուռքի նախարարությունը, Հայկական Բարեգործական Ընդհանուր Միությունը (Հ.Բ.Ը.Մ.), Գալուստ Կյուլպէնկեան Հիմնադրամը և Լոնդոնի Սուրբ Սարգիս Բարեգործական Հիմնադրամը հայտարարում են 2018-2019 ուսումնական տարվա սիրիահայ ուսանողների կրթաթոշակների փոխհատուցման ծրագիրը:

Ծրագրին կարող են դիմել ԵՊԼՀ սիրիահայ բոլոր ուսանողները՝ ներկայացնելով հետևյալ փաստաթղթերը.
1) Անձնագիր
2) Տեղեկանք համալսարանում սովորելու վերաբերյալ
3) 3x4 չափի նկար
4) ՄՈԳ (բացառությամբ առաջին կուրսեցիների)
Դիմումները պետք է ներկայացնել հետևյալ հասցեով.

Էլ. հասցե՝ ccsaingo@yahoo.com

Դիմումների ընդունման վերջնաժամկետն է 2018թ հոկտեմբերի 19-ը:
Մանրամասն տեղեկատվության համար այցելեք հետևյալ հղմամբ.
https://drive.google.com/…/1BSqMB8Lw7IAMFum3Sch1QUStk…/view…

scholarship-1

Կարիերայի կենտրոնի տեղեկատվական օր

Write e-mail Print PDF

Հարգելի՛ ԵՊԼՀ-ականներ,

սիրով տեղեկացնում ենք ձեզ, որ սեպտեմբերի 13-ին, ժամը՝ 14.30-ին, ԵՊԼՀ նիստերի մեծ դահլիճում տեղի է ունենալու Կարիերայի կենտրոնի տեղեկատվական օր: 
Հանդիպման ընթացքում ներկայացվելու է ԵՊԼՀ Կարիերայի կետրոնը, գործունեության ուղղությունները, մեր կողմից մատուցվող ծառայությունները, միջոցառումները, թրեյնինգներն 
ու սեմինարները, Հայաստանում և արտերկրում առկա թափուր աշխատատեղերը, կամավորակական հնարավորությունները, երիտասարդական փոխանակման ծրագրերը, կրթական ծրագրերը, Էրազմուս + ծրագրերը և այլն:

Սիրով սպասելու ենք բոլորին:

Career_Center_Announcement

ԵՊԼՀ - «Փոփոխությունների ալիք» | Տեղեկատվական հանդիպում

Write e-mail Print PDF
18-25 տարեկան ակտիվ ուսանո՞ղ ես: Սովորո՞ւմ ես Երևանի Վ․ Բրյուսովի անվան պետական լեզվահասարակագիտական համալսարանում: Ցանկանո՞ւմ ես ունենալ անկախ, այլընտրանքային և ապահով տարածք` իրականացնելու ուսանողական ծրագրեր, բարձրաձայնելու և լուծելու ուսանողների խնդիրները: «Փոփոխությունների ալիք» ծրագիրը հենց քեզ համար է։
Հրավիրում ենք քեզ Երևանի Վ․ Բրյուսովի անվան պետական լեզվահասարակագիտական համալսարան ՝ ծանոթանալու «Փոփոխությունների ալիք. Ուսանողական ակտիվիզմի խթանումը Հայաստանում» ծրագրի կողմից քեզ առաջարկվող հնարավորություններին և ծրագրին դիմելու ընթացակարգին։

Ի՞նչ՝ Տեղեկատվական հանդիպում
Ե՞րբ՝ Սեպտեմբերի 13, Ժամը 14։00
Որտե՞ղ՝ ԵՊԼՀ, նիստերի մեծ դահլիճ

«Փոփոխությունների ալիք. Ուսանողական ակտիվիզմի խթանումը Հայաստանում» ծրագրի շրջանակում ընտրված մասնակիցները հնարավորություն են ունենալու՝
1. Մասնակցելու՝ 1 տարի տևողությամբ ուսանողական ակտիվիզմի դպրոցի, փորձագետների և որոշում կայացնողների հետ զրույց-հանդիպումների,
2. Կազմակերպելու՝ ուսանողներին մտահոգող խնդիրների շուրջ տարբեր գործողություններ և ուսանողների շահերի պաշտպանության արշավներ և ծրագրեր,
3․ Մշակելու՝ առաջարկությունների փաթեթ, հստակ պահանջներ՝ ուղղված կրթության ոլորտի պատասխանատուներին, ուսանողական նախագծեր և նախաձեռնություններ,
4․ Ստանալու՝ սեփական ծրագրերը իրականացնելու համար ֆինանսավորում, տեղացի և միջազգային փորձագետների հետ հանդիպելու հնարավորություն, ավարտական դիպլոմ:
«Ուսումնական այց կենտրոնական Եվրոպա»
Մեկամյա ծրագիրը հաջողությամբ ավարտած 15 ուսանողներ հնարավորություն կստանան երկշաբաթյա կրթական այցով մեկնել Լեհաստան, Չեխիա և Սլովակիա` տեղում ծանոթանալու ուսանողական ծրագրերին, ինչպես նաև ուսանողական կառույցների և համալսարանների աշխատանքին:
Ծրագիրն իրականացվում է «Հայ առաջադեմ երիտասարդություն» ՀԿ-ի կողմից Վիշեգրադ միջազգային հիմնադրամի և Նիդեռլանդների արտաքին գործերի նախարարության ֆինանսավորմամբ:

41506465_2087088984643770_6552152302889730048_o

Page 1 of 10

  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  Next 
  •  End 
  • »
BannerBanner
Banner
Banner
Banner
Banner
Banner
Banner