Yerevan Brusov State University of Languages and Social Sciences

 



< September 2018 >
Mo Tu We Th Fr Sa Su
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

News

Ամփոփվեց «Հայ մարդ, հիշի՛ր դու միշտ երկաթե շերեփը Հայրիկի» խորագիրը կրող էսսեների մրցույթը

Write e-mail Print PDF

Սեպտեմբերի 19-ին ԵՊԼՀ-ի նիստերի փոքր դահլիճում տեղի ունեցավ հանդիպում ԵՊԼՀ-ի շրջանավարտների միության անդամ Տիգրան Սահակյանի հետ, որի ընթացքում ամփոփվեց մեր շրջանավարտի հերթական նախաձեռնություններից մեկը: Այս անգամ ԵՊԼՀ շրջանավարտի հովանավորությամբ անցկացվել էր էսսեների մրցույթ, որը կրում էր «Հայ մարդ, հիշի՛ր դու միշտ երկաթե շերեփը Հայրիկի» խորագիրը: Ուսանողները կարող էին գրել իրենց էսսեները՝ մեկնաբանելով վերոնշյալ միտքը սեփական պատկերացումների հիման վրա:

Լավագույն երեք հորիզոնականներում հայտնված էսսեների հեղինակները ստացան սերտիֆիկատ և 500, 400 և 250-ական դոլար դրամական պարգև՝ համապատասխանաբար: Տիգրան Սահակյանի խոսքով՝ կարևորն էսսեներում ամփոփված միտքն ու գաղափարն է. ‹‹50-ից ավելի էսսեներ ենք ստացել, սակայն ամենակարևորը մեզ համար ոչ թե փաստերի կամ պատմական տվյալների արձանագրումն էր, այլ՝ Ձեր լեզվական կարողությունների հետ մեկտեղ դրսևորված ընկալումներն ու պատկերացումները››,- նշեց ԵՊԼՀ-ի շրջանավարտը:

Լավագույն էսսեների հեղինակներն են ԵՊԼՀ-ի ուսանողուհիներ Քնարիկ Սանասարյանը, Իրինա Բարսեղյանը, Ռիմա Սիմոնյանը, Քնարիկ Հուսիկյանը, Անի Գևորգյանը, Օֆելի Մուրադյանը, Դիանա Հակոբյանը, Քնարիկ Կարամինասյանը և Արփինե Եսայանը:

 Լավագույն էսսեները կտպագրվեն, ինչպես նաև կհրապարակվեն առցանց հարթակում:

Հավելենք, որ ԵՊԼՀ-ի շրջանավարտների միության անդամ Տիգրան Սահակյանի նման նախաձեռնությունները լինելու են շարունակական և հնարավորություն են տալու ԵՊԼՀ-ի այլ ուսանողների ևս փորձել իրենց ուժերը:


42181850_463791170774323_83136479357829120_n

«Բրյուսովյան ընթերցումներ 2018»

Write e-mail Print PDF

42209414_502922933514731_6225864715449401344_n

Սեպտեմբերի 19-ին Երևանի Վ. Բրյուսովի անվան պետական լեզվահասարակագիտական համալսարանում մեկնարկել է «Բրյուսովյան ընթերցումներ 2018» միջազգային հոբելյանական գիտաժողովը: Գիտաժողովը նվիրված է Վ. Բրյուսովի ծննդյան 145-ամյակին և «Հայ ժողովրդի պատմական բախտի տարեգրություն» գրքի հրատարակման 100-ամյակին: Գիտաժողովը կազմակերպել է Բրյուսովի անվան պետական լեզվահասարակագիտական համալսարանը՝ ԵՊԼՀ  շրջանավարտների միության աջակցությամբ: Գիտաժողովի գործընկերն է Երևանում գործող Գիտության և մշակույթի ռուսական կենտրոնը:

«Բրյուսովյան ընթերցումներ» գիտաժողովի բացման արարողության ընթացքում բացման խոսքով հանդես եկավ ԵՊԼՀ-ի ռեկտոր Կարինե Հարությունյանը, որը ողջունելով ներկաներին, նշեց. «Բրյուսովյան ընթերցումներ» գիտաժողովի մեկնարկը մեծ տոն է համալսարանի համար: «Բրյուսովյան ընթերցումների»  նպատակն է ամփոփել և գնահատել հիսուն  և ավելի տարիների ընթացքում բրյուսովագետների կատարած աշխատանքը, ինչպես նաև ուրվագծելու ընթերցումների հետագա զարգացմանն ուղղված ծրագրերը: Բրյուսովագիտությունը, ունենալով կայուն ավանդույթներ, Հայաստանում շարունակում է մնալ ռուսագիտության գերակա գիտական ուղղություններից մեկը, իսկ ԵՊԼՀ-ն` բրյուսովագիտության կենտրոն››,- փաստեց  ԵՊԼՀ-ի ռեկտորը:

«Բրյուսովյան ընթերցումներ» գիտաժողովի մասնակիցներին ողջունեցին ՀՀ-ում Ռուսաստանի արտակարգ և լիազոր դեսպան Սերգեյ Կոպիրկինը, ՀՀ կրթության և գիտության փոխնախարար Արևիկ Անափիոսյանը, ՀՀ մշակույթի փոխնախարար Տիգրան Գալստյանը, Երևանում Ռուսաստանի գիտության և կրթության կենտրոնի տնօրեն Սերգեյ Ռիբինսկին:

ՀՀ-ում Ռուսաստանի արտակարգ և լիազոր դեսպան Սերգեյ Կոպիրկինը ընդգծեց .‹‹Հայ-ռուսական հարաբերությունները հարուստ պատմություն  ունեն, ինչի ապացույցը այս միջոցառումն է և դրա շարունակական բնույթը: Ինձ համար մեծ պատիվ և հաճույք է ներկա գտնվել «Բրյուսովյան ընթերցումներ» գիտաժողովի բացմանը››,- հավելեց դեսպանը:

ՀՀ կրթության և գիտության փոխնախարար Արևիկ Անափիոսյանն շեշտեց. Բրյուսովյան ընթերցումները  ԵՊԼՀ-ի այցեքարտը դառնալուց զատ անգնահատելի ներդրում են ունեցել աշխարհում բրյուսովագիտության կայացման և զարգացման գործում:  

‹‹Բավականին տպավորված եմ այն բոլոր թեմաներով, որոնք պետք է արծարծվեն այս օրերի ընթացքում:Ես վստահ եմ, որ  Վ. Բրյուսովի անունը կրող hամալսարանում սովորեցնւմ են այն մեթոդաբանությունը, որը մեզ  կօգնի դարերի ընթացքում մեզ ժառանգություն հասած գրականությունը կարդալ այնպես, որ կարողանանք դասեր քաղել և ճիշտ կառուցել մեր ապագան››,-նշեց փոխնախարարը:

ՀՀ մշակույթի փոխնախարար Տիգրան Գալստյանը նշեց. ‹‹Մեծ պատիվ և պատասխանատվություն է ինձ համար ներկա գտնվել գիտաժողովի բացմանը : ‹‹Ընթերցումներն>> ունեն հին և հարուստ պատմություն: Ծանոթանալով  Վ. Բրյուսովի ժառանգության հետ՝ ես համոզվել եմ, որ նրա անունը մեր ժողովուրդների բարեկամության խորհրդանիշներից մեկն է, նրա ներդրումը երկու ժողովուրդների մշակութային ժառանգության մեջ անգնահատելի է››:

Գիտաժողովին մասնակցում են  առաջատար  գիտական  հաստատությունների և համալսարանների հայտնի գիտնականներ և երիտասարդ մասնագետներ 9 երկրներից՝  Հայաստանից, Ռուսաստանից, Ուկրաինայից, ԱՄՆ-ից, Ճապոնիայից, Վրաստանից, Ֆրանսիայից, Իտալիայից, և Լեհաստանից, որոնք մինչ օրս շարունակում են հավատարիմ մնալ բրյուսովյան ստեղծագործության ուսումնասիրության ավանդույթներին: Գիտաժողովի ընթացքում մասնակիցները հանդես եկան հետաքրքիր և բազմաբնույթ զեկույցներով, որոնք թույլ են տալիս նորովի, յուրօրինակ և արդիական կերպով դիտարկել Բրյուսովի ժառանգության ուսումնասիրության որոշ հարցեր, բացահայտել նրա ստեղծագործության դեռևս չուսումնասիրված առանձնահատկությունները:

Գիտաժողովի ընթացքում գիտական զեկույցների հետ մեկտեղ նախատեսված են ՝ «Բրյուսովյան գիտական կենտրոնի արխիվի պատմությունը» ցուցահանդեսի բացում, Google Arts & Culture հարթակում վիրտուալ հավաքածուների շնորհանդեսներ,  և էքսկուրսիաներ:

 Արծաթե դարաշրջանի մթնոլորտը հաճելիորեն կուղեկցի գիտաժողովի երեք օրերի ընթացքում և այն բոլոր մասնակցներին կպարգևի ևս մեկ հնարավորություն՝ շփվելու այս դարաշրջանի մշակույթի և գրականության հետ:

Հավելենք, որ բրյուսովյան ավանդական ընթերցումները նպաստել են հումանիտար ոլորտում հայ-ռուսական կապերի զարգացմանը: Մեր համալսարանը ներկայացնոմ է Բրյուսովի ստեղծագործության ողջ բազմակողմանիությունը. բազում տարիների ընթացքում (1962-2018) ԵՊԼՀ-ը գիտաժողովների նյութերի հիման վրա հրատարակել է «Բրյուսովյան ընթերցումներ» ժողովածուները, որոնք արտացոլում են ինչպես Բրյուսովի` իբրև բանաստեղծի, արձակագրի, դրամատուրգի, թարգմանչի, պատմագետի, քննադատի, այնպես էլ ռուս գրականության Արծաթե դարաշրջանի պատմա-գրականագիտական, լեզվաբանական, մշակութաբանական և այլ ասպեկտները:  


 _DSC9705_-_

«Թարգմանության հիմունքներ և մեթոդներ» թեմայով սեմինարների շարք ԵՊԼՀ-ում

Write e-mail Print PDF

Սեպտեմբերի 13-ից 28-ը Երևանի Վ. Բրյուսովի անվան պետական լեզվահասարակագիտական համալսարանի գերմաներենի ամբիոնի հրավերով և «ԴԵ-Ա-Ա-ԴԵ»-ի ("DAAD"՝գերմանական ակադեմիական փոխանակման ծառայություն) աջակցությամբ՝ գիտական սեմինարների շարք անցկացնելու նպատակով, մեր համալսարան են ժամանել Գերմանիայի Դաշնային Հայդելբերգի համալսարանի թարգմանաբանության ինստիտուտի տնօրեն,  պրոֆեսոր Վահրամ Աթայանը, պրոֆեսոր Յորն Ալբրեխտը, դոկտոր Անե Վեբերը և Դանիել Մորետին:

«Թարգմանության հիմունքներ և մեթոդներ» խորագրով սեմինարներն անցկացվում են 3 փուլով:

1-ին փուլը վարում է ինստիտուտի տնօրեն, պրոֆեսոր Վահրամ Աթայանը:

2-րդ փուլում աշխատանքները կշարունակեն դոկտոր Անե Վեբերն ու Դանիելե Մորետին: Անե Վեբերը կանդրադառնա գերմաներենի բառակազմության և թարգմանության առանձնահատկություններին:

3-րդ փուլում սեմինարների շարքը թարգմանության տեսության վերլուծություններով և գործնական թարգմանության խնդիրներին անդրադարձով կամփոփի ականավոր լեզվաբան պրոֆեսոր Յորն Ալբրեխտը:                                  

Պրոֆեսոր Վահրամ Աթայանի խոսքով՝ համալսարանների միջև ծնված համագործակցությունից մեծ սպասելիքներ կան. ‹‹Այս համագործակցությունը, Վրաստանով է անցնում: Այն հիմնականում դասախոսների վերապատրաստմանն ուղղված քայլ էր: Մենք գերմանական ատյաններին դիմեցինք, ֆինասավորումը ստացանք և քանի որ ես ու մեր համալսարանի մի քանի աշխատակիցներ գալու էինք, կապ հաստատեցինք ԵՊԼՀ-ի հետ: Գաղափար ծագեց, որ Երևանում էլ նույն դասախոսությունների շարքն անցկացնենք››,- հավելեց  պրոֆեսորը:

 Նշենք, որ Գերմանական ակադեմիական փոխանակման ծառայության (DAAD) ֆինանսավորմամբ ԵՊԼՀ է հրավիրվել   համաշխարհային թարգմանաբանության ամենակարևոր դեմքերից մեկը՝  Յոն Ալբրեխտը, որը Հայդելբերգի համալսարանի մյուս երկու ներկայացուցչների  հետ, սեմինարների շարք է անցկացնելու:

Այն հարցին, թե ինչպիսի ակնկալիքներ ունի պրոֆեսորը այս համագործակցությունից և որոնք են նախանշվող վերջնարդյունքները, Աթայանը նշեց հետևյալը. «Թարգմանությունը՝ որպես գիտութուն, որպես գործունեություն և աշխատանք, փոփոխութան է ենթարկվում տեխնոլոգիական զարգացման հետևանքով: 15-20 տարի առաջ, երբ ես էի սովորում, տեքստը ուղղակի թարգմանում էիր: Այսօր ահռելի քանակությամբ տվյալներ ու թարգմանված տեքստեր կան, որոնք հաղորդագրված են և  վերամշակված: Կան որոնման արդյունավետ  միջոցներ և համակարգչի վերլուծության լավ մեթոդներ,  որոնք հատկապես կիրառելի են մեծ ընկերություններում: Որպես թարգմանության ձև՝ կիրառվում են հատուկ ծրագրերը, ինչը սկզբունքորեն  շատ է արագացնում թարգմանության գործընթացը, շատ հարցեր է լուծում՝ հատկապես եզրաբանության հետ կապված: Նման մասնագիտական քննարկումներից բացի, սեմինարների ընթացքում անդրադարձ է արվելու ստեղծագործական արժեք ունեցող, գեղարվեստական տեքստերին և  մեդիա թարգմանությունների տարբեր ձևերին՝ ենթագրեր, կայքեր, գովազդի թարգմանություններ: Դրանք ոչ միայն թարգմանության այստեղ ընդունված դասընթացներում չկան, այլև՝ արևմուտքում են նոր և վերջին 10 տարվա ընթացքում են  սկսել մտնել մեր համալսարանի ծրագրերի մեջ, իսկ Հայդելբերգի համալսարանը Գերմանիայի թարգմանչական առաջատար երկու բուհերից մեկն է››,-նշեց պրոֆեսորը :

‹‹Մասնագիտական փորձի փոխանակմանը միտված  գիտական  սեմինարների  այս շարքը կարևոր համագործակցություն է երկու համալսարանների համար››,- նշեց ԵՊԼՀ-ի գերմաներենի ամբիոնի վարիչ Էլիզա Ղազարյանը:

41697187_268161374034142_67403503051472896_n 41849337_231430521056105_9177880043903254528_n 41723189_288491231757109_5192932167457439744_n

Ներկայացվեց «Փոփոխությունների ալիք. Ուսանողական ակտիվիզմի խթանումը Հայաստանում» ծրագիրը

Write e-mail Print PDF

Սեպտեմբերի 13-ին Երևանի Վ․ Բրյուսովի անվան պետական լեզվահասարակագիտական համալսարանում ուսանողներին ներկայացվեց «Փոփոխությունների ալիք. Ուսանողական ակտիվիզմի խթանումը Հայաստանում» ծրագիրը, դրա կողմից առաջարկվող հնարավորություններին և ծրագրին դիմելու ընթացակարգը։

Նշենք, որ «Փոփոխությունների ալիք. Ուսանողական ակտիվիզմի խթանումը Հայաստանում» ծրագիրն իրականացվում է «Հայ առաջադեմ երիտասարդություն» ՀԿ-ի կողմից: Ծրագրի շրջանակում ընտրված մասնակիցները հնարավորություն են ունենալու մասնակցելու 1 տարի տևողությամբ ուսանողական ակտիվիզմի դպրոցի,
փորձագետների և որոշում կայացնողների հետ զրույց-հանդիպումների, կազմակերպելու ուսանողներին մտահոգող խնդիրների շուրջ տարբեր գործողություններ և ուսանողների շահերի պաշտպանության արշավներ և ծրագրեր, մշակելու առաջարկությունների փաթեթ, հստակ պահանջներ՝ ուղղված կրթության ոլորտի պատասխանատուներին, մշակելու ուսանողական նախագծեր և նախաձեռնություններ, ստանալու ֆինանսավորում սեփական ծրագրերն իրականացնելու համար, տեղացի և միջազգային փորձագետների հետ հանդիպելու հնարավորություն, ինչպես նաև՝ ավարտական դիպլոմ:

41678558_2090436064309062_4536600777388457984_o 41697968_2090436124309056_1503005736307785728_o

Կարիերայի կենտրոնի տեղեկատվական օր

Write e-mail Print PDF

Սեպտեմբերի 13-ին ԵՊԼՀ նիստերի մեծ դահլիճում Կարիերայի կենտրոնը նախաձեռնել էր ճանաչողական ակցիա՝ տեղեկատվական օր ԵՊԼՀ ուսանողների համար:

Հանդիպման ընթացքում ներկայացվեց ԵՊԼՀ-ի Կարիերայի կետրոնը, գործունեության ուղղությունները, կենտրոնի կողմից մատուցվող ծառայությունները, միջոցառումները, թրեյնինգներն 
ու սեմինարները: Հանդիպմանը ներկա էին տարբեր կուրսերի ուսանողներ: Ուրախալի էր հատկապես առաջին կուրսերի ուսանողների ներկայությունը, որոնք, ըստ էության, հանդիպման հիմնական թիրախային լսարանն էին:

 Կենտրոնի ղեկավար Լևոն Բաբամյանն ու կենտրոնի մասնագետ Անի Հովսեփյանը ուսանողներին հանգամանալից տեղեկատվություն տվեցին Հայաստանում և արտերկրում առկա թափուր աշխատատեղերի, կամավորական ծրագրերին դիմելու հնարավորությունների, երիտասարդական փոխանակման կրթական ծրագրերի վերաբերյալ, ինչպես նաև ներկայացրին այլ ուսանողների փորձը:

Նշենք, որ աշխատաշուկայում ԵՊԼՀ ուսանողների և շրջանավարտների մրցունակության զարգացման, շրջանավարտների և համալսարանի միջև մշտական կապի ամրապնդման ու համագործակցության զարգացման նպատակով ԵՊԼՀ-ում գործող Կարիերայի կենտրոնը մշտապես նախաձեռնում է նման հանդիպումներ՝ ուսանողներին պատշաճ տեղեկատվություն տրամադրելու նպատակով: 

Հավելենք, որ Կարիերայի կենտրոնը ներհամալսարանական միակ կառույցն է, որը զբաղվում է ԵՊԼՀ շրջանավարտների և ուսանողների զբաղվածության խնդիրներով։

41663783_701376170243109_7746269828129751040_n

Page 1 of 72

  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  Next 
  •  End 
  • »
BannerBanner
Banner
Banner
Banner
Banner
Banner
Banner